Amaitu dira 2016ko udako jarduerak
Iritsi gara aurtengo udako kanpaina amaierara. Barruan dituzue ikusgai agur-festako argazkiak eta talde-argazkiak.
Ekainaren 27an Uda 2016ko kanpainari hasiera eman genion patinaje eta piragua ikastaroarekin.
Azkeneko urteetan egin den moduan, haurrentzat goizez antolatu dira jarduerak. Udaleku ireki hauek uztailaren 4etik 22ra bitarte iraun dute, goizeko 10:00etatik 13:00etara. Bi urteko gelatik 6. maila bitarte 137 haur ibili dira, 11 begiralerekin. Txango ezberdinak egin dituzte, Idiazabalgo igerilekura, Larraizko tirolinetara, Ordiziako azokara, eta abar.
Bestalde, 14 gaztetxo ibili dira aste hauetan irteera ezberdinak eginez, bi begiralerekin. Irteerak Donostiako irlala, mendira, bizikletan ibiltzera, Hernaniko igerilekuetara,... izan dira. Helduentzako Zumba/Aerobic ikastaroa ere izan da uztailean.
Ondoren, jardueren azken eguneko festako argazki sorta ikus dezakezue:
- AGUR FESTAKO ARGAZKIAK IKUSTEKO SAKATU HEMEN:
- JARDUERETAKO TALDE-ARGAZKIAK IKUSTEKO SAKATU HEMEN:
Ondo pasa falta den uda partea, opor onak izan eta indarrak hartu hurrengo ikasturterako!
