Albisteak
Neurri berriak indarrean 2020/10/26
Pasa den ostiralean neurri batzuk ezarri eta beste batzuk gomendatu ostean, Espainiar Gobernuak Alarma Egoera ezarri zuen igandean eta atzo bildu zen LABI batzordeak neurri berriak hartzea adostu du. Neurriok indarrean dira jada eta jarraian dekretu osoa, zein neurri nabarmenenak.
Gehiago
Zaldibian UDAZKEN BIZIA kultur agenda berriro abian
Pasa den astean, Buruarin tailerra eta Bertso saioa atzeratu genituen, Osasun sailak 13 eta 40 urteko zaldibitarren baheketa deiari lehentasun eman geniolako. Osasun Sailak plazaraturiko informazioarekin eta herritarrengandik jasotako informazioarekin egindako egoeraren azterketak UDAZKEN BIZIA kultur egitaraua ber hartzeko segurtasun nahikoa eskaintzen digu. Beraz, ostiral honetarako programatutako Txan magoaren ikuskizuna eta Andoni Ollokiegi bakarlariaren emanaldia aurrera doaz eta BIHAR hasiko da sarreren banaketa 15:00etatik aurrera Kultur Etxean.
Gehiago
Argitaratu da Osasun Sailaren txostena asteburuko datuekin
Astelehenetik ostiralera 12:30ak inguruan www.euskadi.eus helbidean argitaratzen den txostenean herriz herriko eta osasun-guneen baitako datuak argitaratzen ditu Osasun Sailak eta gaurkoan ageri denez Zaldibian 3 positibo berri detektatu ziren ostiralean, 1 larunbatean eta 2 igandean. Baieztatzeko dago eta arratsaldean informazioa emango digutela adierazi digute, baheketako datuak zein izan diren. Ez dakite ea Ordiziako eta Zaldibiako datuak bereziterik izango duten. Udaletik bi datu eskatu dizkiegu: baheketan parte hartu duten zaldibitarren kopurua eta horien artean detektatutako kasu positibo kopurua. Informazio hau izatea lortzen badugu, zabalduko dugu ohiko informazio bideetatik.
Gehiago
Ostalaritzarako araudia eguneratuta 2020-10-23
Gaurko egunez baldintza berriak sartu dira indarrean ostalaritzarako eta elkarte gastronomikoak ixtea agindu da. Tabernarien lana gehiago zaildu ez dezagun, jarraian indarrean dauden arauak.
Gehiago
Eusko Jaurlaritzak indarrean sartu dituen neurri berriak direla eta azalpenak. 2020/10/23
Araba, Bizkaia eta Gipuzkoako herri guztietan indarrean sartu dira neurri gehigarriak eta jarraian neurri horietatik nagusiki egunerokoan eragingo digutenak. Gainera, Gipuzkoako 25 udalerritan mugikortasuna mugatzea gomendatu du, bai bertakoei kanpora ateratzeko, baita kanpokoei bertara sartzeko ere. Gomendio honek Zaldibian zuzenean ez, baina eragingo digu zeharka bada ere. Jarraitu irakurtzen.
Gehiago
Iragarki eta oharrak
Ohiko Osoko bilkura ostegunean
Urriaren 29an Osoko Bilkura izango du udalbatzak, egoera dela eta telematikoki egingo dena. Jarraian duzue landuko den gaitegia eta telematikoki batzarra zuzenean ikusi ahal izateko bidea.
Gehiago
Trafiko Oharra: hobekuntza lanak GI-3781 errepidean, Arkakara bidean
Foru Aldundiak berri eman digunez, urriaren 26an, astelehena, hobekuntza lan batzuk hasiko dituzte GI-3781 errepidean (Arkakarako bidean) 1,390 eta 1,660 kilometroen artean. Gutxi gora-behera Errekalde eta Konporta baserrien artean egingo dituzte harri-horma bat egiteko lanak eta bi aste irautea aurreikusten da. Bidea estua denez, honako oharra zabaltzea eskatu digute: bizilagunei edota lanera doazenei pasatzen uzteko modua egingo dute, baina gainontzekoei errepidea saihestea eskatzen zaie 8:00etatik – 18:00etara bitartean.
Gehiago
Oharra: Igirua herri-mendian baimendutako motordun ibilgailuak soilik
Zaldibiako Udalak azken hilabeteetan Igirua herri-mendiko lurretan dabiltzan motorren joan-etorriaren areagotzea ikusirik, herritarrei ondorengoa gogorarazi nahi die:
Gehiago
Solasaldi arrakastatsua eman du Miñan liburuak
2020-09-11 - ZAPIAK BAT elkartea30 laguneko irakurle taldea elkartu da parke botanikoan Amets Arzallus eta Ibrahima Balderen nobela lantzeko
Iztueta Dantza Taldeko aurrematrikula zabalik
2020-09-09 - IZTUETA dantza taldea2020-2021 ikasturteko aurrematrikula zabalik dago. Izena emateko egin klik hemen.
Amets Arzallus izango da gurekin irailaren 10eko literatur tertulian
2020-09-02 - ZAPIAK BAT elkarteaParke botanikoan gauzatuko da Miñan liburuari buruzko solasaldia
Azken ostirala dela eta biltzeko deia
2020-08-28 - ZaldibiaTBEuskal preso eta iheslari politikoen alde iluntzeko 20:00etan Zaldibiako plazan biltzeko deia egin dute. Gogorarazi dute segurtasun tartea gordetzea ezinbestekoa izango dela eta musukoa eramatea eskatu dute.
Irailaren 10ean egingo da udako literatur tertulia
2020-08-04 - ZAPIAK BAT elkarteaMiñan liburua da udan irakurtzeko proposamena eta hurrengo tertulian Amets Arzallus izango da gurekin
Gaztedi xake txapelketa 2020, Harrirentzat
2020-07-28 - XAKE ZALDIBIJoan den ekainean jokatu berri den Kutxabank gaztedi xake txapelketan Xake Zaldibiko 4 kide izan ditugu partaide. 12 urte azpiko mailan, Andrés eta Manuk parte hartu dute, 14 urte azpikoetan berriz, Nikolas eta Harrik.Txapelketa lau saiotan ospatu da ,ekaineko larunbat bakoitzeko bat. Saio bakoitzean 3 irabazle gertatu dira eta postuak kontutan harturik, irabazle orokor bat maila bakoitzean.12 urte azpiko lehian,Manu eta Andrés oso maila politean ibili dira 30. postuetan murgilduz, ia 100 partaide zeudelarik. 14 urte azpiko mailan, berriz,Harri txapeldun orokorra gertatu da smartwatch eder bat irabaziz eta Nikolasek lehen egunean lortutako 3. postuari esker xakeko materiala jasoko du opari gisa.
Sega Ligaren saioa bihar Zaldibian
2020-07-25 - ZaldibiaTBAlmitza Elkarteak urtero antolatzen duen nazioarteko erako Sega Liga bi jardunalditara murriztu dute koronabirusa dela eta.Usurbilen, Herri Kirolen Egunaren barruan egin zuten lehen saioa, 20 segalarik. Hurrengo hitzordua Zaldibian dute, bihar, igandea, 11:30ean hasita Irastorza (Iortza) baserriko zelaietan.
Zaldibiako Udalak zure esku jartzen duen, bulego birtualean, agiriak deskargatu edo eskaerak tramitatu ahalko dituzu.
