Herrigintzaren kultura
'Harreman osasuntsuak lagun artean' hitzaldia eskainiko du Nerea Mendizabal adituak bihar
Guraso Elkarteak antolatu du saioa, Gipuzkoako Foru Aldundiaren Treba Gurasoak ekimenaren baitan. Haur eta nerabeen gurasoei zuzendua dago hitzaldia, eta parte hartu nahi dutenek 16:30ean Lardizabal Eskolara bertaratu behar dute.
Gehiago
Jon Urzelai herritarrak hitzaldia emango du bihar arratsaldean
Urzelaik Euskadi Saria jaso zuen Euskarazko Saiakera kategorian, 'Su Festak' lanarengatik. Bertan, musika jaialdiek Euskal Herrian izan duten eragina aztertu zuen, eta gai horixe izango du hizpide bihar 18:30ean Karreaneko ganbaran egingo den saioan.
Gehiago
Asteartean irekiko da Luberriko kirol areto berritua
Asteartean bertan, saio txiki bat egingo da 17:00etan, makinen erabilera eta arautegia azalduz. Zerbitzuan izena eman nahi dutenek Karreane kultur etxean dute horretarako aukera. Bono motak, ordutegia eta informazio gehiago, jarraian.
Gehiago
Kultur eta Kirol taldeentzat 2025eko diru-laguntza deialdia zabalik
Zaldibiako kultur eta kirol elkarteek urteroko dirulaguntza eskatzeko epea ireki du udalak, eta martxoaren 31 arte aurkeztu daitezke eskaerak. Deialdiak helburu du 2025ean zehar Zaldibiako irabazi asmorik gabeko kultur eta kirol erakundeek antolatzen dituzten proiektuak eta urteko programak finantzatzea. Jarraian zehaztuta daude laguntzen oinarriak, eskaerak aurkezteko epea eta gainontzeko informazioa.
Gehiago
Apirilaren hasieran irekiko da Udako Jardueretan izena emateko epea
Aurtengo udari begira, hainbat aldaketa eta hobekuntza egin ditu Zaldibiako Udalak. Jarraian guztiak ikusgai.
Gehiago
Luberriko kirol areto berritua ezagutzeko ate irekien saioa egingo da ostiralean
Orain arteko erabilera anitzeko espazioaz gain, Fitness gune berriak kardio makinak, indar makina gidatuak eta luzatze eta errekuperazio gunea izango ditu. Guztiak ikusteko aukera izango da ostiralean, 18:30etik 19:30era.
Gehiago
Datorren asteazkenean egingo da herriko kultur eta kirol taldeetako ordezkarien bilera
18:00etan izango da batzarra, Karreane Kultur Etxeko ganbaran. Bilkuran iazko urtearen errepasoa egiteaz gain, 2025erako aurreikusitako ekimenen inguruan hitz egingo da. Gainera, kultur eta kirol taldeen dirulaguntza deialdiaren inguruko xehetasunak ere azalduko dira bertan.
Gehiago
Egutegiak dakarrena: 2025eko martxoa
Herriko eragileek eta udalak antolatutako hainbat ekintza izango dira martxoan. Jarraian guztien bilduma.
Gehiago
Egitarau berezia antolatu da aurten Inauteriak ospatzeko
Ostiralerako ekintza sorta antolatu dute herriko hainbat eragilek elkarlanean, arratsalde hasieratik gauera arte luzatuko dena. Haurrek zein adin guztietako zaldibitarrek parte hartzea dute helburu.
Gehiago
EUSKARALDIA: Herri batzordea sortzeko lehen bilera, bihar
Euskaraldiaren 4. edizioa maiatzaren 15a eta 25a artean izango da. Horren harira, bihar, otsailak 26, arratsaldeko 18:00etan egingo da udaletxeko batzar aretoan herri batzordea osatzeko lehen bilera. Euskararekiko interesa duen herritar oro dago gonbidatuta.
Gehiago
'Egin nirekin ere euskaraz!' kanpaina martxan jarri du berriz UEMAk
Zaldibian abiatu zen 'Egin nirekin ere euskaraz!' kanpaina sortzeko ideia 2023an, eta Euskal Herriko hainbat herritara zabaldu zen ondoren. Lehen aldi horretan UEMAko hainbat herritako haurrek eta nerabeek parte hartu zuten, tartean Zaldibiakoek, eta euskaldun arrazializatuen inguruko aurreiritziak gainditzeko asmoarekin jarri zen martxan. Aurten bigarrenez abiatu da ekimena, eta oraingoan beste herrialdeetatik etorri diren eta ostalaritzan eta merkataritzan lanean ari diren euskaldunak ikusaraztea du helburu.
Gehiago
Inauterietarako mozorro eta osagarrien bilketa antolatu da
Otsailaren 25ean, asteartean, inauterietarako mozorro eta osagarrien bilketa antolatu da Gaztelekuaren eta Guraso elkartearen eskutik, 17:00etan herriko plazan. Helburua da otsailaren 28ko Inauterietako jaialdirako mozorro eta osagarrien kutxa osatzea, nahi duenak inprobisatu eta mozorrotzeko aukera izan dezan. Jarraian informazio gehiago.
Gehiago
Asteazkenean egingo da Euskara Mahaiaren otsaileko saioa
Karreane Kultur Etxeko ganbaran izango da saioa, 18:00etan hasita, eta euskararekiko interesa duten herritarrak bileran parte hartzera animatu nahi ditu Zaldibiko Euskara Mahaiak.
Gehiago
Arizona antzezlanaren bigarren emanaldia antolatu da
Lehen egunean 15 minutuan sarrera guztiak agortu ondoren, igandean bertan bigarren emanaldi bat izango da. Hortaz, 18:00etarako aurreikusita zegoen emanaldia 17:30era aurreratu da eta bigarren emanaldia 19:30ean izango da. Sarrerak, bihar, asteazkena, 17:00etan kultur etxean jarriko dira salgai.
Gehiago
Egutegiak dakarrena: 2025eko otsaila
Herriko eragileek eta udalak antolatutako hainbat ekintza izango dira otsailean. Jarraian guztien bilduma.
Gehiago
