2014/01/10
Jatorri aniztasuna eta elkarbizitza Zaldibian
Zaldibian jatorri aniztasuna eta elkarbizitzari buruzko partaidetzazko prozesua abian.
Gai honen inguruan norbanako herritar eta eragileen arteko hausnarketa eta eztabaida bultzatzeko aurrera eramango den prozesuaren berri eman nahi dizuegu. Prozesu hau, Zaldibiako Udalak, Aldundiko Migrazio eta Aniztasun Zuzendaritzaren laguntzarekin bultzaturiko proiektua da eta Aztiker Soziologia Ikerguneak koordinatu eta garatuko du.
Prozesu parte hartzaile honen helburu orokorrak hauexek izango dira:
- - Zaldibian egin berri diren jatorri aniztasuna eta elkarbizitzari buruzko azterlanak herritarroi zuzenean ezagutaraztea.
- - Gai honen inguruan norbanako herritar eta eragileen arteko hausnarketa eta eztabaida sustatzea, zuen iritziak jasoz eta diagnosia osatuz.
- - Aurrera begira, Zaldibiarren jatorri aniztasunaren oinarrian, kultur komunitateen arteko elkar ezagutza eta elkar harremana bultzatzeko proiektuak eta ekimenak diseinatzea.
Gure Errealitatea ezagutzeko eta hobetzeko topaguneak:
•Non: Karreanen
•Noiz:
- Urtarrilak 15: Hezkuntza eta kirolak
- Urtarrilak 22: Kultura eta aisialdia
- Urtarrilak 29: Aniztasunaren lekua
Ordua: 18:30
Antolatzailea: Zaldibiako udala
