Korrika, badator

Ostegunean Irundik abiatu eta martxoaren 24an amaituko da Baionan aurtengo korrika, 23. edizioa. Jarraian, Zaldibiako Korrika Batzordeak eta hainbat eragilek elkarlanean osatutako egitaraua. Ika, ika, ika, Korrika!

Ostegun honetan abiatuko da Irundik Korrika eta hemen duzue Zaldibiako Korrika Batzordeak eta herriko hainbat eragilek antolatutako egitaraua:

• Martxoaren 14an, osteguna, eguerdiko 12:00etan herrian zehar, KORRIKA TXIKIA Lardizabal Eskolatik abiatuta.
• Martxoak 15: ZALDIBIA-ISO korrika, Xirikak antolatuta
• Martxoak 15 eta 22an, ostiral arratsaldeetan, KORRIKA MAHAIA. 
• Martxoak 22, ostirala:
  • 17:30etik aurrera, Korrika mahaiaz gain, PORRIKA ZOZKETA. 
  • Iluntzean, herriko GOIZTIRI TXARANGA
  • 22:30ean ZOPA antzezlana antzokian. Sarrerak astelehenan jarriko dira salgai Kultu Etxean 5 €an. Langabetuek eta 14-18 arteko gazteek 2€an. 

Segurako Xirikara umorezko antzerki-taldeak iazko Euskararen Egunean estreinatu zuen ikuskizuna. Mirari Martiarena umoregile, gidoilari eta kazetari oiartzuarra arduratu da hitanoa oinarri duen gidoia osatzeaz, eta Idoia Uranga aktore eta zuzendariak gidatu du taldea. Segurarren zopajale ezizenari egiten dio erreferentzia obrak, eta erretiro espiritual batean kokatzen da: «Erretirora pentsamendu batekin joaten zara, bada pentsamendu horiek guztiak baztertu egin beharko dituzu, ez duzu horrelakorik edukiko eta sorpresak izango dituzu», azaldu du Urangak.

• Martxoaren 23, larunbata, KORRIKA GOIERRIRA IRITSIKO DA. Guztira 6,5 kilometroko ekarpena egin da Zaldibiatik, eragile guzti hauen artean:
  • Almitza Sega Elkartea
  • Ardiki Kofradia
  • Ausa Gaztelu Guraso Elkartea
  • Ausa Gaztelu Mendi Kluba
  • Ausa Zaldibi Areto Futbol Kluba
  • Beti Gazte Elkartea
  • Etxekonekok Aniztasun eta Elkarbizitza Elkartea
  • Gailurrerantz Mendi Elkartea
  • Gaztelu Elkartea
  • Gaztelupe Pelota Kluba
  • Iztueta Dantza Taldea
  • Txanbolinteroak txistulari taldea
  • Xirika Kultur Elkartea
  • Zabel Bertso Elkartea
  • Zaldibiako Gazte Asanblada
  • Zaldibiako Udala
  • Zapiak Bat Elkartea
  • Zubi-Buru Elkartea

Non egingo dugu Korrika?

Ordiziako Otegi-Enea/Marotiastik Aramako bidegurutze tartean kokatuko dira Zaldibiako eragileen kilometroak.

Ordiziara joateko:

• Oinez, 10:30ean Zaldibiako plazatik abiatuta. (Gero autobusean itzultzeko aukera izango da, horretarako beheko estekaren bidez izena eman). 
• Autobusez, 10:30ean Zaldibiako plazatik abiatuta. Hemen informazioa eta izena emateko aukera. 

Ordutegia: martxoak 23, larunbata

Korrikari buruzko eskuorria sortu du UEMAk, 12 hizkuntzatan

Hainbat herritan atzemandako beharrari erantzun nahian, Korrikari buruzko eskuorria sortu du UEMAk, gero herritarren artean banatzeko. Izan ere, etorri berri askok ez dakite oraindik zer den eta zergatik egiten den Korrika, eta informazioa emateko eta bizilagun guztien parte hartzea sustatzeko baliabidea da eskuorria. Zaldibian, Lardizabal ikastetxearen bidez banatuko da eskuorria herriko familien artean eta eraikin publikoetan ere jarriko dira eskuragarri.

Euskaraz ez ezik, gaztelaniaz, frantsesez, ingelesez, arabieraz, urduz, wolofez, errusieraz, portugesez, katalanez, errumanieraz eta ukraineraz ere eskuragai dago eskuorria, UEMAren webgunean.