Ohiko Osoko Bilkurako kronika

2023ko urtarrilaren 30ean burutu zen ohiko osoko bilkuran hainbat gai landu eta onartu ziren. 2023. urterako udal langileen soldata igoera, Zaldibia-Gaintza udalerrien artean idazkari-kontuhartzaile lanpostuari eusteko elkartearen estatutuak eta Euskararen aurkako eraso judizialen aurkako mozioa, guztiak aho batez onartuak. Informazio osoa jarraian.

 

Iluntzeko 18:30ean hasi zen osoko bilkura eta honakoak izan ziren udalbatzak hartutako erabakiak:

AZTERGAIAK:

1. 2022ko azaroaren 21ean eta 2022ko abenduaren 27an egindako bileraren aktaren irakurketa eta bere kasuan, onespena.

  • 2022ko azaroaren 21eko akta ez zen onartu, osatzeko zegoelako eta hurrengorako utzi zen puntu hau. 2022ko abenduaren 27koa onartu zen.

2. Aurreko ohiko udalbatzatik Alkateak sinatutako Dekretuen zerrendari buruzko informazioa ematea.

  • Azken ohiko udalbatzatik Alkateak sinaturiko dekretuen berri eman zen.

3. 2023 urterako langileen soldaten igoera proposamena onartzea, hala badagokio. Irakurri

  • Aho batez onartu zen puntu hau, EH Bilduko 5 zinegotziren eta EAJ-PNVko 2 zinegotzien aldeko bozkarekin. Hala, 2023ko urtarrilaren 1etik aurrerako ondorioekin, %2,5eko ordainsari-igoera gehigarria baimendu zen, legeak administrazio publikorako finkaturiko gehieneko igoera.

4. Euskararen aurkako eraso judizialak mozioa onartzea, EH Bilduk aurkeztutakoa, hala badagokio. Mozioa irakurri

  • Aho batez onartu zen puntu hau, EH Bilduko 5 zinegotziren eta EAJ-PNVko 2 zinegotzien aldeko bozkarekin.

5. Zaldibia -Gaintza udalerrien arteko elkartearen estatutuak onartzea, idazkari-kontuhartzaile lanpostuari eusteko, hala badagokio Irakurri

  • Aho batez onartu zen puntu hau, EH Bilduko 5 zinegotziren eta EAJ-PNVko 2 zinegotzien aldeko bozkarekin.

6. 2022ko aurrekontuaren egikaritzari buruzko informazioa.

  • 2022ko aurrekontua nola joan den eta nolako itxiera aurreikusten den azaldu zen.

7. Galde erreguak

  • EAJ-PNVko bozeramaileak galdetu zuen ea nola doan egonkortze-prozesua eta alkateak erantzun zion deialdia irekitzen denerako eskaeren kudeaketarako barne-aplikazioa egokitzen eta antolaketa prestatzen ari dela udala eta espero dela laster jartzea martxan deialdiak.