Udal Gobernu plana 2023-2027 - Komunitatea eta Zaintza
KOMUNITATEA ETA ZAINTZA
Feminismoa, Aniztasuna, Zaintza, Herritarrak eta Ongizatea
MISIOA/ERRONKA:
Herritarra izango du oinarri eremu honek. Feminismoa ardatz hartuta, elkarren arteko harreman parekideak, anitzak, hezitzaileak eta osasuntsuak sustatuko ditu, komunitatea indartzea eta zaintzaren demokratizazioa helburu.
PROIEKTUAK/EKIMENAK:
FEMINISMOA
- Formakuntza feminista-jabekuntza eskola sustatu, bai udal barne mailan, baita herri mailan ere.
- Emakume eta gizonen berdintasunerako bi-urtekako planak osatu eta garatu, Berdinbideanen bide-laguntzarekin.
- Zaldibian indarkeria matxistaren biktima diren emakumeei arreta emateko erakundeen arteko koordinazio eta arretarako tokiko I. protokoloa onartu eta martxan jarri.
- Herritar eta eragileen kontzientzia handitu eta indarkeria matxistaren inguruko hausnarketarako elementuak eskaini, prebentzioa bultzatzeko.
- Jai giroan indarkeria matxisten kontrako sentsibilizazio kanpainak burutu.
- Zaldibiako emakume guztien ahalduntzea sustatu, prozesu eta ekimen desberdinak martxan jarriz, espazioak eskainiz, emakume adinduen ahalduntze pertsonal eta kolektiboan arreta berezia jarrita.
- Emakumeek orokorrean aisian eta kirolean duten parte hartzea handitzeko asmoz urtero Ttipi Ttapa morea edo bestelako ekintzak egiten jarraitu
ANIZTASUNA
- Zaldibiako Harrera integralerako sistema finkatu eta gauzatu, herriko eragileen kolaborazioarekin.
- Komunitatea indartzeko guneen sorrera bultzatu ekimen ezberdinen bidez, herritar anitzen arteko harremanak eraginez.
- Kulturaniztasunaren inguruko lanketa egin herri mailan eta eskualdean.
- LGTBI+ kolektiboarekiko eta pertsonekiko sentsibilizazioa sustatu eta herriko diagnostikoa egin.
ZAINTZA
- Zaintza eta etxeko lanetan emakumeek duten ardura aitortu eta lan hauek partekatzea, murriztea edo parekideagoa izatea sustatu.
- Herriko pertsona helduen zaintza beharrak ezagutu, diagnosi egoki bat eginez eta ateratako ondorioak aztertu eta hortik abiatuta lan lerro berriak bideratzen hasi.
- Etxez etxeko zerbitzua indartu eta zabaltzeko bideak aurkitu eta baliabideak jarri, zaintza sare komunitarioa sustatuz.
- Emakume zaintzaileen bizi baldintzak hobetzeko tresnak eskaini.
HERRITARRAK ETA ONGIZATEA
- Komunitate eta zaintza eremuan lanean diharduten eragileekin elkarlana sustatu: Etxekonekok, Aske, Haurreskola-Lardizabal Eskola, Guraso Elkartea, Beti Gazte,…
- Herriko adinekoentzako elkargune eta dinamikak sustatu, Beti Gazte Elkartearekin harremanetan.
- Gizarte laguntzak bideratzen jarraitu eta herritarren egoera ezberdinei erantzuten eta jarraipena egiten ahalegindu.
- Osasun zerbitzuekin harreman jarraia izan, herritarren osasun integrala helburu.
- Zaintza eta Osasun zerbitzuak bilduko dituen azpiegitura/espazio berri baten lanketa abiatu.
- Eragile sozialekin eta munduko herrialdeekin elkartasun proiektuak sustatu eta herritarrengan elkartasun jarrerak bultzatu.
- Herriko jaioberrien harrera sistematizatu eta haien familientzat elkarguneak sustatu.
- Herriko haur, nerabe eta gazteen errealitateak ezagutu, beharrei erantzun eta parte hartzea sustatu.
- Herriko haur, nerabe eta gazteak sentsibilizatu berdintasunean, genero ikuspegian eta kulturartekotasunean.
- Eskola komunitatean sexu heziketa saioen baitan genero rolen inguruko gogoeta egitea bultzatu.
- Udal ordezkari politikoengan eta udal langileengan genero ikuspegia txertatzeko formakuntza eskaini.
- Udal barnean eta eragileetan berdintasuna eta aniztasuna zehar-lerro gisa lantzeko neurriak eta egiturak sortu.
