Poesia emanaldi musikatua antzokian
Azaroaren 16an, ostiralean, gaueko 22:30ean izango da Ane García López, Gotzon Barandiaran Arteaga, Josu Landa Ijurko eta Itziar Castillo Pérezen emanaldia. Parrapean errezitaldian ahotsa eta musika izango dira protagonistak, baina baita gitarra eta ukelelea ere. Sarrera 5 euroan erosi ahal izango da.
Parra bi: Violeta eta Nicanor neba-arrebak. Baten kantuez eta bestearen poemez osatutako errezitala da “Parrapean”. Txileko sortzaile handiak bi-biak, hogeigarren mendeko erreferentzia ezinbestekoak. Urteak pasatzen dira, mendeak aldatzen dira, baina jenioen lanak bizirik dirau. Blaitzen gaituen errealitatea kultur sorkuntzaren ikuspegitik nola tratatu behar dugun etengabe egindako hausnarketek zipriztindutako bi artista handiren lanak gozatu ahal izango ditugu, parrapean.
• Eguna: azaroak 16, ostirala
• Ordua: 22:30
• Lekua: Zaldibiako antzokia
• Sarrera: 5 €
