Saturdiko festa martxoaren 28an

Aberri egunaren ajearekin batera ospatuko da Saturdi auzoko festa. Hemen duzue egitaraua eta aurreratzen dizuegu egitarau mardula prestatu dutela urteroko usadioari jarraituz.

SATURDIKO FESTA 2016 EGITARAUA

Goizeko 11:00etan, Meza nagusia Saturdiko Baselizan.

Ondoren, Iztueta Dantza Taldeko dantzariek dantza saioa egingo dute. Jarraian, ohiturari jarraituz,  auzotar zaharrenari oparia emango zaio. Aipatu, aurten gizonezkoari soilik emango zaiola oparia, 65 urtetik gorako auzoko emakume guztiek jaso dutelako jadanik.Ondoren, haurrentzako jokoak.

Eguerdian,   ANE LABAKA  eta IÑAKI MURUA bertsolarien, eta LUTXURDIO eta AITZIBER trikitilarien saioa.

13:00etan, auzotarren arteko Toka Txapelketa.

14:30ean,  bazkaria.

Menua: Zopa, pikatxa, arkumea, mamia, kafea, kopa eta purua. Prezioa: 25 €. Bazkarirako txartelak Illati tabernan daude salgai.
Txartelak hartzeko azken eguna: martxoaren 25a, ostirala.

Bazkalondoan ANE LABAKA  eta IÑAKI MURUA bertsolarien saioa.

Arratsaldeko 17:30ean: HERRI KIROLAK:

XABIER ARANBURU “GUZTA”, Ernaitza harriarekin  (145 kg.) saiakera egingo duen lehen goierritarra, bost minutuko tanda bakarrean.
ANGEL ARROSPIDE, Euskal Herriko txapeldun ohia, eta ALTZOren arteko buruz burukoa kanako egur bana ebakitzen.  (Arrospidek zutika jarritako enborra eta Altzok etzandakoa)

Ondoren, bertsolarien agurra eta trikitilariekin erromeria.