Trakzio mekanikodun ibilgailuen gaineko zergaren hobarien eskaera
Zaldibiako Udalak ibilgailuen zergari dagozkion hiru hobari-mota onartu ditu aurten ere: ibilgailu elektrikoentzat, hibridoentzat eta ibilgailu historikoentzat. Otsailaren 6ra arteko epea dute interesatuek eskaria egiteko, udaletxeko harreran edo zaldibia.eus atariko erregistro elektronikoaren bidez.
Ibilgailuei lotuta eska daitezken hobariak:
1.-Ibilgailu elektrikoak: Zerga-kuotan %75eko hobaria izango dute Trafikoko Zuzendaritza Orokorraren erregistroan honela sailkatuta dauden ibilgailuak:
- Bateriadun ibilgailu elektrikoak (BEV);
- Autonomía hedatutako ibilgailu elektrikoak (REEV);
- Ibilgailu elektriko hibrido entxufagarriak (PHEV), ≥40 kilometroko autonomía dutenak.
2.- Ibilgailu hibridoak: Zerga-kuotan %50eko hobaria izango dute Trafikoko Zuzendaritza Orokorraren erregistroan honela sailkatuta dauden ibilgailuak:
- Ibilgailu hibrido entxufagarriak <40 kilometroko autonomía dutenak;
- Ibilgailu hibrido ez entxufagarriak (HEV);
- Gas naturalarekin (GNC eta GNL) bultzatutako ibilgailuak;
- Petróleo-gas likidotuarekin (GLP) bultzatutako ibilgailuak.
3.-Ibilgailu historikoak: Zerga-kuotan %100 hobaria ezarriko zaie ibilgailu historikoei edo ≥30 urteko antzinatasuna dutenei, fabrikatu ziren egunetik kontatzen hasita.
Hobarien aplikazioa
Ibilgailu elektriko eta hibridoen hobaria 5 urterako emango da, ibilgailuaren lehen matrikulaziotik hasita.
Eskaera
Hobarien eskaera egiteko, jarraian duzuen eskaera orria bete eta udaletxeko harrerara edo zaldibia.eus atariko erregistro elektronikora jo behar da ibilgailuaren fitxa teknikoarekin.
