Ttipi-Ttapa morean izena emateko epea, zabalik

Bosgarrenez antolatu dute ekintza hau Zaldibiako Udalak eta Aske talde feministak. Aurtengoa martxoaren 8an izango da, larunbata, 10:00etan. Otsailaren 28ra arte eman daiteke izena albiste honetako formularioaren bidez edo Karreane Kultur etxean. Informazio gehiago, jarraian.

Ibilbideak ohikoak izango dira: korrika edo oinez egiteko ibilbideak 5 km inguru izango ditu; egokitua motzagoa izango da eta bestelako oztopo fisikorik gabekoa.

Ibilbidea egiterako lehenik parte hartzaile guztiek beroketa batzuk egingo dituzte, ondoren neska / emakume bakoitzak nahi duen moduan egingo du Ttipi-ttapa.

Hau amaitzean...

• 12:30ean eskualdeko manifestazioa egingo da Zaldibian, plazatik hasita.
• 13:00etan ekitaldia plazan.
• 14:30ean, bazkaria Zubi-buru elkartean (tikeak Joxepanen martxoaren 2ra arte; langileek 25€, langabetuek 20€). Alergia edo intolerantzirik izanez gero, idatzi edo deitu 620460766 zenbakira.
• 19.00etan, Erromeria Zatekeen taldearekin. Lekua, eguraldiaren arabera. 

Bazkarira joateko ez da beharrezkoa izango TTIPI-TTAPA MOREA!n parte hartzea.

Eguna gerturatu ahala, ibilbidearen eta ordutegiaren informazioa helaraziko zaie parte hartzaile guztiei.

Goazen kaleak arduraz, kolore morez eta aldarriz betetzera!

OHARRA: Egun horretako lan ezberdinak egiteko boluntarioak ere beharko ditugu, beraz, laguntzeko prest bazaude eman izena HEMEN edo Karreane kultur etxean.

Ttipi-ttapa morean parte hartzeko, esan bezala, jarraian duzuen formularioan edo Karreane kultur etxean eman izena.