Zaldibi Gaztetxoen Kabi!
Herriko 11-15 urte arteko gaztetxoak protagonista izango diren prozesu bat abiarazi dugu, Oinherri Sarearekin eta Emun aholkularitzarekin batera. Jarraian informazio osoa eta izena emateko aukera.
Zein gabezia ditu gure herriak? Zer behar sumatzen duzu? Zein dira zuen leku kuttunak?... galdera hauek eta beste hainbat lantzeko aukera eskaini eta gaztetxoen hitza entzun nahi genuke. Horretarako bi saio antolatu ditugu zuzenean parte hartu ahal izateko eta jasotako iritziak entzun eta aintzat hartzeko. Saio hauek praktikoak eta arinak izango dira; bertatik ateratako puntu eta ideia egingarri eta garrantzitsuenak aurten bertan martxan jartzea izango da helburua.
Aipatutako saio hauek bi larunbatetan burutuko dira; horretarako bi dinamizatzaile etorriko dira.
- Lehenengo saioa: maiatzaren 8an, 17:00etatik 19:30era izango da eta herriaren diagnostikoa egitea izango da helburua.
- Bigarren saioa: maiatzaren 15ean, 11:00etatik 13:30era izango da eta lehen saioan identifikatutako beharrei konponbidea emateko saiakera egingo da, ekintza zehatzak lehenetsiz aurten bertan martxan jartzeko.
Antolakuntza ondo egin ahal izateko, izena eman behar da maiatzaren 5a baino lehen Karreane Kultur Etxean edo jarraian ageri diren datuak betez.
ZALDIBI GAZTETXOEN KABI
