Landaketa asteburua otsailaren 18 eta 20an
Lardizabal Herri Eskolak, Gailurrerantz Mendi Elkarteak eta Zaldibiako Udalak landaketa asteburua antolatu dute otsailaren 18-20 astebururako. 18an eskolako ikasleek burutuko dute landaketa hilerri aurreko parkean. Otsailaren 20an Arkakako Elizbasoko herri lurretan landaketa herrikoia burutuko da. Aurrez eremua prestatzeko auzolana antolatu da otsailaren 12an.
LANDAKETA ASTEBURUKO EGITARAUA:
OTSAILAK 12 LARUNBATA: goizeko 9:00etan ELIZBASON. Landaketa asteburua PRESTATZEKO AUZOLANA. IZEN EMATEA whatsapp bidez 639 79 23 93 telefono zenbakira idatziz.
OTSAILAK 18 OSTIRALA: Eskola-orduan hilerri aurreko parkean gerezi ZUHAIXKEN LANDAKETA egingo dute haurrek.
OTSAILAK 20 IGANDEA: Arkakako Elizbasoko herri lurretan ZUHAITZ LANDAKETA HERRIKOIA herritar guztientzat.
Pago, haritz, astigar eta gerezi landareak landatuko dira eta horretarako norbere aitzurra ekarri behar da.
EGITARAUA:
- 9:00etan IRTEERA plazatik oinez.
- 10:30ean ARKAKAtik Elizbasora oinez.
- 10:45etik aurrera LANDAKETA LANAK eta bere garaian HAMAIKETAKOA
- 14:00etarako PLAZAra buelta
