Olagarrua antzezlana, igandean
Udalbiltzaren Geuretik Sortuak proiektuaren baitan, igande arratsaldean, hilak 17, izango dugu herrian Olagarrua antzezlana. Arratsaldeko 18:00etan izango da Herri Antzokian. Sarrerak Kultur Etxean eskuratu daitezke 5€an. Sobratzen direnak antzokian bertan jarriko dira salgai saioa hasi baino lehentxeago.
Jarraian duzu OLAGARRUA obrari buruzko informazioa:
Sinopsia
Errudunak gara? Ba al daude erru txiki eta handiak? Erruak askatu nahi ditugu?
Oholtza bat. Hiru emakume. Olagarru bat.
Errua desagerrarazteko saiakera bat. Garbitzeko, gainetik kentzeko. Gorputzetik, plazeretik, fantasiatik. Hiru aktore dena ematen helburu bakar batekin: herri horretako erruekin amaitzea. Lortuko dute?
Aktoreak
Olatz Beobide, Maitane Perez eta Nerea Arriola
Sarrerak
5€an eskura daitezke Karreane kultur etxean (ordutegia 14:00-18:30). Sobratuko balira, antzokian bertan jarriko lirateke salgai antzezlana baino 15 minutu lehenago.
