Txakur eta jabeentzako formakuntza
HELBURUAK:
Proiektuaren helburu nagusia Zaldibiko txakurren, euren jabeen eta gainontzeko herritarren arteko elkar-ulertze eta elkarbizitza egoki bat lortzea da. Honek, helburu zehatz batzuetara eramango gaitu:
- Herrian zaunka eta mesfidantza eman dezaketen jarrerak ekiditea.
- Oinarrizko heziketa, non txakurrak jabeari kasu egiten dion (geldi egoteko, ez inori salto egiteko, ez korrika alde egiteko, bizikleta, pelota, baloi edo umeen jolasen aurrean lasai mantentzeko…).
- Jabeei informazioa eman, txakurren jarrera eta mugimenduak uler ditzaten, beraien arteko komunikazioa hobetzeko, eta horrela elkarbizitza lasaiago bat lortuz.
- Txakurren jabeei paseo-ohitura egoki batzuk erakutsi, beraien arteko harremana hobetuz, eta txakurren behar fisiko eta fisiologikoek biztanlegoari oztopo egingo ez dien leku eta moduak aholkatuz.
- Paseo ohitura egokiak landu, txakurrak herrigunean kontrolaturik edukitzeko eta txakurrentzat diren guneak erabiltzeko.
METODOLOGIA:
Txakurrekin eta beraien jabeekin ekintza zuzenak. Sozializazio paseoak eman taldeetan, herrian dauden txakur guneak erabiliz, eta herrian barrena non eta nola ibil daitezkeen aholkatuz eta behar bada, erakutsiz. Horrez gain, oinarrizko heziketarako klaseak proposatzen dira, txakurra gizarteratzeko garaian oinarrizko irizpide batzuk ezarriz.
EDUKIAK:
Txakurren oinarrizko heziketari dagokionez, jakinmina dutenei eskainia dago ikastaroa. Kale heziketa (obediencia urbana) izango da gai nagusia, beti ere txakur gizarteratuak eta orekatuak lortzea baita proiektu honen xedea.
Formakuntza zikloan 8 saio izango dira. Taldean egingo dira klaseak, astean behin, eta gehienez 8 bikote (jabea eta txakurra) elkartuko dira.
IZEN EMATEA: Udaletxean (astelehenetik ostiralera, 8:30etik 15:30era) edo web gunearen bitartez HEMEN.
