Zaldibiako Udalak whatsapp zerbitzua jarri du abian, herriko informazioa zabaltzeko.

Zaldibiako Udalak komunikazio kanal berri bat jarri du abian. Lehendik zabalik dauden komunikazio bideak osagarritzera dator whatsapp zerbitzu berria.

Zaldibiako Udalak informazio kanal zuzen eta azkarra jarri zuen abian pasa den martxoan, Covid-19aren agerpenak eraginda. Whatsapp kanal horretatik Udalaren informazioa jasoko duzu: albisteak, iragarki eta oharrak...

 

Argi izan behar da, ordea, komunikazio bide hau ez dela larrialdiak, eskaerak eta matxurak kudeatzeko, soilik herriko eta Udaleko informazioa jasotzeko da. 

 

Zer egin behar da kanalean sartzeko?

  1. Gorde zenbaki hau, kontaktu berri gisa, zure telefonoko agendan: ZALDIBIA INFO680 79 54 73 (Mezuak jaso ahal izateko ezinbestekoa da zenbaki hau zure telefonoko agendan gordea izatea)
  2. Bidali gorde berri duzun zenbakira whatsapp mezu bat INFORMAZIOA hitzarekin.
  3. Ez baduzu informazio gehiago jaso nahi, bidali mezu bat BAJA hitzarekin eta informazio jarioa etengo da.

Oharra: Bide honetatik, Udaleko eta herriko eguneroko informazioa (oharrak, albisteak, larrialdiak, agenda) jasotzeko aukera izango da; momentuz, ez da aurreikusten Whatsapp sistemaren bitartez herritarrekiko interakzioa ematerik, horretarako jarraian zehazten diren bideak erabili behar direlarik:

  1. Herritarren Harrerarako Zerbitzua: astelehenetik ostegunera 9:00etatik 17:00etara eta ostiraletan 9:00etatik 15:00etara Udaletxean, 1. solairuan. 
  2. Zaldibiako Udaleko telefonoa: 943 880 357. Ohiko tramiteetarako harrera zerbitzuko ordutegian, Covid-19 kasuen berri emateko 24 orduz, asteko 7 egunetan. 
  3. www.zaldibia.eus udal webgunea, tramiteak elektronikoki egiteko aukerarekin.
  4. ZaldibiAPP mugikorrerako aplikazioa: herriko  telefono gida, alerten berri  nahiz herriko hainbat azpiegitura eta bitartekoen eskaera/erreserba tramitatu daiteke, matxura edo arriskuen berri eman ere bai.
  5. Zaldibia.org: herri ataria, taldeen nahiz herrian antolatzen diren ekimen nagusienen berri jasotzen da bertan.

 

Zaldibiako Udalak informazioa helarazteko soilik erabiliko ditu datu hauek. Telefono zenbakia eta eremuaren inguruko informazioa whatsapp business aplikazioaren baitan etiketatuko dira INFORMAZIOA izenarekin 680795473 telefonora aplikazio horretatik bertatik mezu bat bidaltzen dutenean. BAJA hitzarekin mezua bidaltzean etiketa kendu egingo zaio eta elkarrizketa hari hori ezabatua izango da behin betiko edo whatsapp business aplikazioak bermatzen duen neurrian.