Kultura
Kultur eta Kirol taldeentzat 2022ko diru-laguntza deialdia zabalik
Gaurtik eta ekainaren 3ra arte, zabalik izango da herriko Kultur eta Kirol taldeen urteroko udal diru-laguntza deialdia. 2022. urtean zehar Zaldibiako irabazi asmorik gabeko kultur eta kirol erakundeei beraien proiektuen eta urteko programen garapena finantzatzen laguntzea izaten da helburua. Jarraian dituzue laguntzen oinarriak, eskaerak aurkezteko epea eta gainontzeko informazioa.
Gehiago
Herriko Kultur eta Kirol taldeen bilera
Apirilaren 6rako deitu zen herriko kultur eta kirol talde guztietako ordezkarien bilera. Guztira 21 kide bildu ziren, 15 eragileren ordezkaritzan. Iazko urteari errepasoa egiteaz gain, 2022ari begira jarrita Udalaren asmoen berri jaso zuten bertaratuek. Era berean, 2022rako talde bakoitzak aurreikusi dituen ekintzekin egutegia osatu zen eta taldeen eguneroko gaiei buruzko ekarpenak jaso ziren. Jarraian informazio gehiago.
Gehiago
Sukaldaritza tailerra bertako produktuekin
Cebanc zentroak eskainiko du, euskaraz eta dohainik. Ikastaroan 55 urtetik gorako herritarrek har dezakete parte. Gazteagoak diren bi ikasle soilik onartuko dira, 12ko talde batean. Apirilaren 27tik maiatzaren 30era izango da Zubi-buru elkartean, astelehenetan eta asteazkenetan, 16:00etatik 19:00etara. Izen-ematea Kultur etxean, apirilaren 22a baino lehen. Informazio gehiago kultur etxean, edo 943 160338 / 676531079 telefono zenbakietara deituta.
Gehiago
Saturdiko festa, aurten bai
2020 eta 2021eko geldialdiaren ondoren, bueltan da Saturdiko Festa. Ohi denez, Pazko astelehenarekin batera ospatuko da, apirilaren 18an. Egitarau oparoa osatu da, goizez zein arratsaldez. Jarraitu irakurtzen.
Gehiago
Antzerki asteburua ekarriko digu udaberriak
Martxoaren 25, 26 eta 27an antzerkiak hartuko du Zaldibia. Udalbiltzaren Geuretik Sortuak proiektuko bi antzezlanez eta Losers obraz gozatzeko aukera izango da udaberriari hasiera emanez. Sarreren banaketari astelehenean, martxoaren 21ean ekingo zaio. Jarraian informazio osoa.
Gehiago
Zaldibiako Erroten inguruko historia biltzeko bilera deialdia ostiralerako
Abenduan argitaratu zen Udalak Kanpaingo Errotako jabeekin egindako hitzarmena eta proiektu honen baitan, deialdi zabala egin zen herriko erroten inguruan lan bat egiteko gogoa zuen herritar taldetxoa osatzeko. Taldetxoa osatu da eta lehen bilera ostiral honetan egingo da, 16:30ean, Karreane Kultur Etxean. Bertan proiektua eta egin nahi den lana azaldu, eta bakoitzaren gustu edo ahalmenen arabera lanak banatzea da izango da helburua. Beraz, inork proiektuan parte hartu nahiko balu aukera du oraindik ere ostiralean Kultur Etxera gerturatuz.
Gehiago
PUZGARRIAK herriko haur eta gaztetxoentzat martxoaren 1ean
Haur Hezkuntza, Lehen Hezkuntza eta DBHko zaldibitar haur eta gaztetxoentzat PUZGARRIAK jarriko dira martxoaren 1ean, goiz eta arratsaldez plazan. Jarraian dituzue xehetasun guztiak.
Gehiago
Otsailaren 11n, Sexberdinak antzezlana Herri Antzokian
Hastera doa Udalbiltzako Geuretik Sortuak proiektuaren baitan herrian egingo den emanaldi sorta. Ez edonola gainera: Aitziber Garmendia eta Telmo Iruretak antzeztutako lana estreinatuko da Zaldibian. Hemen ekitaldiari buruzko informazio osoa eta Geuretik Sortuak emanaldien agenda. SARRERAK AGORTUTA.
Gehiago
Korrika batzordea antolatzeko bilera, urtarrilaren 27an.
Aurten KORRIKA martxoaren 31tik apirilaren 10era ospatuko da Euskal Herri osoan zehar. Ekimenaren prestakuntzarako Zaldibiako Korrika batzordea sortuko da eta bertan parte hartzea gonbidatzen zaituztegu. Lehen saioa urtarrilak 27, osteguna, 19:00etan Udaleko beheko Herri Aretoan.
Gehiago
Leku aldaketak txikienentzat antolatutako ikuskizunetan
Osasun egoera medio, Zaldibiako Udalak neguko oporretarako antolaturiko ekimenak lekuz aldatu ditu. PLAZAN burutuko dira ondorengo ekimenak. Ekimenak aire zabalean burutuko direnez aforoaren arazoa ezabatu da eta adin tarteen muga ere zabaldu dugu haur guztiek ekitaldi hauetan parte hartu ahalko dute. Konfinaturik daudenentzat ikuskizuna telematikoki jarraitzeko aukera eskainiko da.
Gehiago
Kanpaingo Errota martxan Udalaren eta jabeen arteko hitzarmenari eta auzolanari esker
Hainbat urtetan geldirik egon ondoren, irina egiteko gai dira berriro Kanpain errotako harriak. Jabeek hitzarmena adostu dute Udalarekin eta proiektu bat abiatu da horren baitan, Zaldibiako uraren indarra eta erroten historia berreskuratzeko helburuz. Auzolanari esker errotak martxan jartzeko urratsa eginda, 2022ko maiatzean ospatuko den Gipuzkoako Errota Eguna izango da hurrengo erronka. Jarraian informazio gehiago.
Gehiago
Smartphoneak eta tabletak erabiltzen ikasteko ikastaroak
Smartphonak eta tabletak erabiltzeko ikastaroak antolatu dira abenduaren 15etik 23ra Karreaneko KZ gunean. Bertan android sistema eragilea erabiltzen irakatsiko da. Izena ematea zabalik karreane kultur etxean.
Gehiago
Kultura, Kirola eta Euskara batzordearen bilera ostegunean
Ostegunean, azaroak 18, arratsaldeko 18:30ean Karreanen izango da Kultura, Kirola eta Euskara batzordearen batzorde bilera. Jarraian duzue gaiordena eta gogoratu, batzordean izena emanda dauden herritarrez gain, edozein herritar zein eragile bertaratu daitekeela.
Gehiago
2022ko egutegirako argazkien eskaera
Zaldibiako Udalak urtero argitaratzen du etxez etxe banatzen duen egutegia. Aurten ere, helburu horrekin, herriarekin zerikusia duten argazkiak bildu nahi ditu. Beraz, argazkiren bat izan eta egutegian argitaratzea nahi bazenute, kultur etxera eraman edo emailez bidali kulturetxea@zaldibia.eus helbidera, azaroaren 17a, asteazkena, baino lehen.
Gehiago
Zaldibiako I. Argazki Rallyko irabazleak
2021eko urriaren 2an burutu zen Zaldibiako I. Argazki Rallyan 9 partehartzaile izan ziren eta 8 lan aurkeztu zituzten. Lehen bi sailkatuak: Iñaki Gurrutxaga Cacho eta Agurtzane Larrarte Telleria izan ziren.
Gehiago
