Uda honetan ere, kirolez blai!
16 urte bitarteko haur eta nerabeentzako hainbat kirol jarduera antolatu ditu Zaldibiako Udalak ekainerako eta uztailerako. Tenisa, piraguismoa, patinak eta Funky-a. Izena ekainaren 17a (hau barne) baino lehen eman behar da kultur etxean. Albiste honen barruan duzue informazio guztia.
Gehiago
Kimikarin esperimentu tailerra, ekainaren 21ean
Norentzat? LH 3. mailatik LH 6. mailara bitarteko haurrentzat. Noiz? Ekainaren 21ean, astelehena, arratsaldeko 16:00etatik 18:00etara. Non? Resti pilotalekuan. 25 haur baino gehiagok izena emanez gero, bi saio ezberdin antolatzeko aukera aztertuko da. Izena emateko lekua eta epea? 2021eko ekainaren 17ra arte, osteguna, Kultur etxean edo albiste honen barruan aurkituko duzuen formularioa beteta.
Gehiago
Txikienentzako Porrusalda erromeria, ekainaren 24an
Norentzat? HH 2 urtetik LH 2. maila bitarteko haurrentzat. Haurrak beren ardura duen norbaitekin etorri beharko dira, eta berekin egongo dira ekintzan zehar ere. Noiz? Ekainaren 24an, osteguna, arratsaldeko 17:00etan. Non? Olaldeko parkean. Izena emateko lekua eta epea? Ekainaren 21era arte, astelehena, Kultur etxean edo albiste honen barruan ikusiko duzuen formularioa beteta.
Gehiago
Heziketa parekide baten oinarrizko trebakuntza saioa irailera atzeratua
SAIOA IRAILERA ATZERATU DUGU parte hartze zabalagoa bilatu asmoz.
Ekainaren 9an, Herri Antzokian, Emagin elkarteko Ainara Lasa Muñozek dinamizatuko duen tailerra egingo da, heziketa arduraren bat duen edo erreferente den edonori zuzendua. Bertan, parkidetasuna, sexu genero sistema eta rol aniztasuna landuko dira, tratu onen baloreen aterkipean.
Tailerra 17:30ean hasi eta 19:00etan amaituko da eta jarraian eman dezakezu izena.
Gehiago
Ez Ohiko plenoaren kronika
Ekainaren 3an, ostegunarekin, egin da udalbatza bilkura Udaletxeko batzar aretoan. Hiru arrazoi direla medio egin da bilkura presentzialki udaletxeko areto honetan, egungo neurriekin espazio murritza badu ere: Mikel Luloagak jarduneko alkate gisa zuzendu duen lehen udalbatza izatea, ziurrenik udaletxe zaharrean egingo den azken bilkura izatea eta batez ere, Laida Elizegi Armendarizen 2 urteko zinegotzi ibilbideari merezitako agurra ematea.
Gehiago
Zaldibian, Udaberria loretan! Ekaineko agenda
Zaldibiako Udalak, 2021eko ekainerako herrian antolatu diren ikuskizun eta ekimenen agenda osatu du. Azken txanpan da udaberria eta ate joka dugu udara. Ekitaldi, ikuskizun, Izen emate eta sarreren inguruko informazioa hemen duzue.
Gehiago
Saltarriko leizearen garbiketa igandera atzeratu da
Enirio Aralar Mankomunitateak jakinarazi duenez, eguraldi iragarpena dela eta larunbatean egin beharrean IGANDEAN, ekainak 6, egingo da leizearen garbiketa. Jarraian argitaratu den oharra.
Gehiago
HEZURBELTZAK taldearen kontzertua
EGUNA: EKAINAK 5 LARUNBATA
ORDUA: 18:30ean
LEKUA: RESTI pilotalekua
SARRERAK: egunean bertan 17:00etatik aurrera pilotaleku sarreran eskuratu daitezke.
PREZIOA: 10 euro
Gehiago
Gauerditik aurrera aldatuko diren neurriak
Atzo bildu zen LABI batzordeak hala erabakita, jarraian zehazten diren aldaketak jasango dituzte orain arte indarrean diren neurriek, gutxienez datozen 20 egunetan.
Gehiago
Saltarriko leizearen garbiketa
Enirio-Aralar Mankomunitateak deituta eta eguraldiak baimentzen badu, ekainaren 5ean Saltarriko leizearen garbiketa egingo da. Urtetan zehar pilatzen joan den zaborrez beteta dago leizea eta Mankomunitatetik deialdi irekia egin da eremua lehengoratzeko lana gidatuko duen Felix Ugarte espeleologia taldeari lagundu nahi dionarentzat. Parte hartu nahi dutenak goizeko 9:00etan Saltarrin egotea eta aurrez izena ematea eskertuko da. Jarraian informazio osoa.
Gehiago
Zaldibian, Udaberria loretan: badator ekaina, ekintza sorta berriarekin
Maiatzeko egitaraua amaierara iristen ari den heinean, lore berriak datoz ekainean. Hala, 3tik 6rako astean emanaldi berriak iragarri dira. Protagonismo handiena herriko talde eta eragileek izango dute, gogorra izan den ikasturtearen amaiera gerturatzen ari dela, kurtso amaierako emanaldiak eskainiko baituzte. Bertso Eskolaren, Musika Eskolaren eta Iztueta Dantza Taldearen emanaldiez gain, Almitza Sega Elkarteak Euskal Herriko nazioarteko erako Sega ekitaldia eskainiko du eta "Hezurbeltzak" taldearen kontzertua ere izango da egitaraua osatuz. Jarraian informazio osoa.
Gehiago
2021/2022 ikasturterako ikasle berriek Zaldibiako Musika Eskolan izena emateko epea zabalik
2021-2022ko ikasturtean Musika eskolan hasi nahi izanez gero, izena maiatzaren 24tik 31ra eman dezakezue kultur etxean, eta bertan bete matrikula-orria. Ordutegia: astelehenetik ostiralera 12:30etik 19:30era.Telefonoa: 943160338 / 676531079. Izena emateko azken eguna: maiatzak 31, astelehena.
Gehiago
