Komunikazioa

Zaldibiako 2019-2023 legealdiaren laburpen-bilduma plazaratu dugu

Zaldibiako Udalak 2019-2023 legealdiko laburpen-bilduma jasotzen duen liburuxka osatu du..  Azken lau urtetan udalgiltzaren begiradatik jasotakoa bildu nahi izan dugu. Batez ere, egin dena eta egiten ari garena jaso da, baina aurrera begira gizarte, herri eta udal bezala datozkigun erronkei ere aipamena egin zaie liburuxkan. Hemen duzue bildumaren bertsio digitala eta gaztelerazko itzulpena.
Gehiago

Zaldibia 2019-2023 legealdiaren laburpen-bilduma etxez etxe banatzen hasi gara

Zaldibiako Udala 2019-2023 legealdiko laburpen-bilduma jasotzen duen liburuxka banatzen hasi da etxez etxe.  Azken lau urtetan udalgintzaren begiradatik jasotakoa bildu nahi izan dugu. Batez ere, egin dena eta egiten ari garena jaso da, baina aurrera begira gizarte, herri eta udal bezala datozkigun erronkei ere aipamena egin zaie liburuxkan. Aste honetan etxe guztietara iritsi asmo dugu.
Gehiago

Zaldibiako bide publikoen inbentarioaren kontsulta-alegazio aldia hasi da

2022ko abenduaren 27ko osoko bilkuran hasierako onarpena eman zitzaion Zaldibiako Bide Publikoen inbentarioari. Gipuzkoako Aldizkari Ofizialetan argitaratu da iragarkia eta apirilaren 4ra arteko epea dago inbentarioaren kontsultarako, baita zalantza eta alegazioak aurkezteko ere. Udaletxeko harrera nagusian eta jarraian aurkituko duzun loturan dago eskuragai dokumentazio osoa. Teknikariekin aurrez aurreko hitzordua izateko txanda ere hartu daiteke Udalean. Hemen informazio osoa.
Gehiago

Zaldibiako Udalaren aurrekontuak 2023 urterako

Abenduaren 19an Herri Batzarrean azaldu eta abenduaren 27an osoko bilkuran behin-behinean onartu ondoren, jendaurreko epea pasata indarrean sartuko dira 2023ko aurrekontuak. Jarraian ikusgai dituzu ezaugarri orokorrak eta sarrera eta gastuen diru-partidak lerroz lerro. 
Gehiago

Ez-Ohiko osoko bilkurako kronika

Abenduaren 27arekin ospatu zen abenduko ez-ohiko osoko bilkura. Landutako gaien artean zeuden langileen ordainsari-igoera, 2023ko aurrekontuak, herri bideen inbentarioaren hasierako onarpena eta 2023 egutegi fiskala eta udal egutegia. Informazio osoa jarraian.
Gehiago

Udal adierazpenak, Indarkeria Matxistaren Aurkako Nazioarteko Eguna dela-eta

Indarkeria Matxistaren aurkako Nazioarteko Egunaren harira, Zaldibiako Udalak ondorengo adierazpenak plazaratu ditu. Arratsaldeko 20:00etan Mugimendu Feministak deitutako elkarretaratzea egingo da plazan eta bertara batu da Udala ere. Herritarrei parte hartzeko deia egin die.
Gehiago

KONPOSTA ETA HOBARI SISTEMA: informazio eta izen-emate postua ostiralean plazan

Urte berriaren batera sartuko da indarrean hondakinak sortze bidezko hobarien sistema. Auzokonposta guneak ere, lehenengo biak martxan dira. Hauei buruzko informazio osoa emango da plazan bertan goiz eta arratsalde izango den postuan, bertan izena emateko tramiteak egiteko aukera ere izango delarik.
Gehiago

2023ko egutegirako argazkien eskaera

Zaldibiako Udalak urtero argitaratzen du etxez etxe banatzen duen egutegia. Aurten ere, helburu horrekin, herriarekin zerikusia duten argazkiak bildu nahi ditu. Beraz, argazkiren bat izan eta egutegian argitaratzea nahi bazenute, kultur etxera eraman edo emailez bidali kulturetxea@zaldibia.eus helbidera,  izenburuan 2023rako egutegirako argazkiak jarrita. Argazkiak bidaltzeko azken eguna azaroaren 15a, asteartea, izango da.
Gehiago

2022ko Zaldibiako jaiak argazkitan

Hemen dituzue Zaldibiako jaietako argazkiak, zehazki urriak 5, 6, 7, 8 eta 9koak. Urriaren 14an Zapi Jaztea eta urriaren 15ean koadrilla egunarekin amaituko dira herriko festak. Inork argazkirik gehitu nahiko balu bidali komunikazioa@zaldibia.eus helbidera edo pasa atsalderen batean kultur etxetik.
Gehiago

Zaldibiako Udala IZARKOMera pasa da, telekomunikazio burujabetzarantz urratsa emanez

Telekomunikazioen oihan globalizatuaren baitan, Euskal Herriko nazio eraikuntza eta burujabetzaren alde lan egiteko sortu zen Izarkom telekomunikazio operadore kooperatiboa. Zaldibiako Udalak gertutik jarraitu du bere ibilbidea eta uztaileko osoko bilkuran aho batez onarturik kooperatibako bazkide erabiltzaile egin da. Abuztutik aurrera udaleko telefono eta internet zerbitzuak Izarkomek ematen ditu eta gainera, aurrezte ekonomikoa eta zerbitzua zabaltzea ere ekarri du herrira. Jarraitu irakurtzen.
Gehiago

Oharra: erreka

Azken egunetan Amundarain errekan, Eskolako zubiaren eta harrizko zubiaren arteko eremuan, bainatu diren hainbat herritarrek azkura eta azaleko kalteak izan dituztela jakinarazi digute. Eremu hau ez da bainu leku ofizialen barne kokatzen, nahiz eta jende askok hartarako erabili. Horregatik, gogorarazten dugu norberaren ardura dela bertan gerta daitekeena. Ohar honen eta eremuan bertan jarri diren oharren bidez jakitera eman nahi dugu egun hauetan eta eremu horretan eman den egoera, bainatu edo ez erabakitzerako orduan kontuan izateko. 
Gehiago

Zaldibiako informazioa, zure eskura!

Hemen dituzue Zaldibiako Udalak informazioaren zabalpenerako zabalik dituen komunikazio bideen bilduma. Ohiko informazio panelez gain Telegram eta whatshapp kanala ere abian ditugu.
Gehiago

Ataungo eta Zaldibiako Udalen ohar bateratua

Asteburuan Arastortz mendiaren inguruan izandako sutearen harira, hainbat ohar plazaratu ditugu bi udalok herritarrei eskutan izan dugun informazioa helaraziz eta ikusi ditugun gabeziak azpimarratuz, besteak beste. Izan ere, bizitako egoeraren eta ikusitako gabezien aurrean, herritarrei informazioa zintzoki emateko beharra sentitzen dugu. Jarraian adierazpenak:
Gehiago

HIZKUNTZAK ERRAIETAN dokumentalaren aurkezpenak txiki utzi zuen Herri Antzokia

Jatorri anitzetako herritar andana bildu zen HIZKUNTZAK ERRAIETAN dokumentalaren aurkepenera. Lardizabal Herri eskolak, Ausa Gaztelu Guraso Elkarteak, Etxekonekok elkarbizitza Elkarteak, Zaldibiako Udalak eta UEMA-k sustatutako dokumentala hemen duzue ikusgai. Gainera hainbat hizkuntzetan azpititulatua plazaratu da. Hemen dituzue aurkezpeneko irudiak.
Gehiago

Arastortz mendian sortu den sutearen inguruko oharra (II)

Atzo argitaratutako idatziari jarraiki, hona hemen gaurko egunak eman duenari buruzko laburpena. Une honetan foko guztiak kontrolatutzat jo dira, baina zaintza lanak egingo dira gauean. Jarraitu irakurtzen.
Gehiago