Covid-19
Erosketa bonoak banatu dira eta mondeju pintxoaren bono batzuk geratzen dira
Larunbat eguerdirako amaitu ziren erosketa bonoaren 3. edizioko txartel guztiak. Mondeju pintxoaren bono batzuk geratzen dira eskuragarri Udaletxean. Azken urte eta erdian, erosketa bonoen bidez, gutxienez 54.000 euro herrian gastatzen direla bermatuko dugu. Hauspo honekin herriko merkataritza, ostalaritza eta zerbitzuei bultzada eman nahi badiegu ere, ezin dugu ahaztu gure eguneroko erosketa dela gure komertzio txikia bizirik mantentzen duena.
Gehiago
Asteburuan, bono salmenta bikoitza plazan
Ostiral arratsaldean 17:00etatik 20:00etara eta larunbat goizean 11:00etatik 13:00etara, EROSKETA BONOen eta MONDEJU PINTXOA bonoaren salmenta abiatuko dugu plazan. Ekimenak ezagunak dira, erosketa bonoen 3. edizioa aterako baita salmentara eta mondejuarena bigarrenez.
Gehiago
Gaurtik aurrera neurri berriak abian
Gaur 2021eko irailaren 18an argitaratu berri den dekretua indarrean delarik, irailaren 1etik indarrean dauden murrizketak lasaitzea erabaki du LABI batzordeak. Edukierak eta ordutegiak dira, oro har, aldaketaren muina. Jarraian neurrien laburpena eta dekretua osorik ikusteko aukera.
Gehiago
Neurri berriak gaurtik aurrera: Edukiera handitzea kultur, kirol eta eta gizarte jardueretan: orokorrean, %60koa
Atzo plazaratu zuen Araba, Bizkaia eta Gipuzkoako Lehendakariak neurrien inguruko dekretu berria. Orokorrean lokal eta instalazioen edukiera %60ra pasa dute, ostalaritzarena aldiz %50era eta mahai bakoitzeko zortzi lagun eseri ahalko dira asteazkenetik aurrera.
Gehiago
Neurri berriak indarrean: Pertsonen arteko distantzia, musukoaren erabilera, aforoak eta ordutegiak
Gaur goizean plazaratu du Araba, Bizkaia eta Gipuzkoako Lehendakariak dekretua EHAAn. Pertsonen arteko distantziak hartzen du garrantzia handiena, herriguneetan maskaren erabilera itzuli da, ordutegi eta aforoetan mugak. Hemen duzue informazio guztia.
Gehiago
Elkar zaindu eta neurriak mantentzeko unea da. Dekretu berria jarri du indarrean Eusko Jaurlaritzak
Azken egunetan Covid-19aren zabalpena indarra hartzen ari da. Barruetan musukoa beti jantzita eta kalean ere distantziarik gorde ezin ditugunean musukoa ezinbestekoa dela gogoratu behar dugu. Eusko Jaurlaritzak dekretu berria atera du, segurtasun protokolorik gabeko elkartzeak debekatuz; 00:00etatik 06:00ak bitartean parke, kirol eremu eta antzeko aire libreko eremu publikoetan jende multzo edo pilaketak debekatu ditu.
Gehiago
Maskara: bihartik aurrera zer?
Pasa den astean iragarri zuen Espainiar Estatuko gobernuak maskararen derrigorrezko erabileraren legea aldatzeko asmoa eta gaur argitaratu dute agerkari ofizialean araudi berria. Aire zabalean egon eta elkarrenganako 1,5 metroko distantzia betez gero, maskara kentzeko aukera irekitzen da horrela bihartik aurrera. Jarraian xehetasun guztiak.
Gehiago
Araba, Bizkaia eta Gipuzkoan neurri berriak sartu dira indarrean
Atzo Araba, Bizkaia eta Gipuzkoako Lehendakariak iragarri eta gaur plazaratu dira ofizialki indarrean diren neurri berriak. Aldaketa nabarmenenak aforoei eragiten die , ostalaritzan mahaietan 4 egotetik 6ra igaroko gara, barruan zein kanpoan zutik kontsumitzea debekatua egoten jarraituko du. Elkarte gastronomikoak ireki ahal izango dute baina ostalaritzako baldintza berdinekin.
Gehiago
Gauerditik aurrera aldatuko diren neurriak
Atzo bildu zen LABI batzordeak hala erabakita, jarraian zehazten diren aldaketak jasango dituzte orain arte indarrean diren neurriek, gutxienez datozen 20 egunetan.
Gehiago
Bihartik aurrera Alarma Egoera bertan behera eta neurri berriak indarrean
Gaur gauerdian, Alarma Egoeraren epea amaituko da eta Eusko Jaurlaritzak bihartik aurrera indarrean izango diren neurriak argitaratu ditu. Jarraian duzue informazio osoa.
Gehiago
Herritarrei elkar zaintzeko deia, Osasun Sailburuaren erantzuna eskuan, ez dago ez informazio eta ez ekintza/neurri plan zehatzik Zaldibiarako.
Pasa den asteartean idatziz eskatu eta gaur ostirala, Euskal Jaurlaritzako Osasun Sailetik jaso dugun erantzuna etsigarria da. Herrian bizi dugun egoera gainditzeko, herritarrei elkar zaintzeko eta Osakidetzako profesionalekin elkarlanean jarraitzeko deia luzatzen diegu ez dago besterik.
Gehiago
Zaldibiako egoera larria da eta bitartekoak eta ekintza/neurri plan zehatza behar ditugu transmisioa eteteko
Hori da Zaldibiako Udalaren lehentasun bakarra gaur egun eta jarraian ageri den gutuna bidali zaio Osasun Sailburuari. Gaur eguerdian, 2021eko apirilaren 6an, argitaratuko den txostenaren arabera, gutxienez 7400eko inzidentzia-tasa izango dugu 14 egunetan, gutxienez 124 herritar bi asteetan positibo eman dutenak. Gutunean herriko egoerari buruzko kezka adierazteaz gainera, eskaera zuzenak egiten dizkio Udalak Osasun Sailari, baita lankidetzarako prestutasuna azaldu ere. Jarraitu irakurtzen.
Gehiago
Udaletik zuzeneko jarraipena egiten ari gara Zaldibiako egoerari
Zaldibian 100 herritar baino gehiago ditugu une honetan koronabirusarekin kutsatuta. Azken egunetan bezala, Zaldibiako Udalak gaur ere egoera zail hori bizi duten herritarrekin harremanetan jarraitzen du beraien egoeraren berri jakiteko.
Gehiago
Garai zailak herrian, Zaldibiako Udalaren agerraldia
Gaur goizean Osasun Sailarekin izandako bileraren ondotik, egoeraren larritasunak dagokion erantzunik jaso ez duelako agerraldia eskaini dute herriko plazan, jarraian duzuen adierazpenarekin bat egin duten Zaldibiako Udal zinegotziek. Hemen duzue adierazpen osoa, Osasun Sailaren eskutik, Zaldibiako Udalak duen desinformazioa eta herri bezela aurrean dugun erronka dira udal ordezkariak kalera eraman dituen arrazoi nagusiak.
Gehiago
Berrogeialdian egotea egokitu bazaizu, zenbait ohar kultur etxetik
Hurrengo egunetan etxean egon behar baduzue eta liburutegira etortzeko modurik ez baduzue, jakin aukera duzuela liburuak eskatu eta etxean bertan jasotzeko. Horretarako deitu 943160338 zenbakira (itxita apirilaren 1etik ostegunetik, 5era astelehenera) edo idatzi kulturetxea@zaldibia.eus helbidera. Zaldibiako udal liburutegian ditugun liburuak ikusi ahal izateko, eta duela urtebete publikatu bezala, etxeko egonaldia arinagoa egiteko euskarazko doako hainbat baliabideren gida ikusteko, jarraitu irakurtzen.
Gehiago
