Covid-19

Zaldibiako Udalaren mezua haur eta gaztetxo zaldibitarrei

Zaldibiako Udalak ondorengo mezua helarazi die herriko haur eta gaztetxoei. Gainera, apirilaren 5 igandean eguerdiko 12etan etxetako leiho eta balkoietara atera eta txalo zaparrada eskaintzeko deia luzatu die herritar guztiei.
Gehiago

COVID-19: Jarduera ekonomikoen kalteei aurre egiteko laguntzak

Herrian jarduera bat duten eta Covid-19aren eraginez kaltetuak izan direnei, laguntza bideei buruzko aholkularitza harremana erraztu nahi die Zaldibiako Udalak. Ohar honetaz gainera, gutuna ere bidaliko zaie herriko jarduera kaltetuen titularrei.
Gehiago

Hileta eta azken agurrak

Badakigu ez direla garai xamurrak eta gai garrantzitsuegiak direla uste dugu horren gordin arautu eta bere horretan uzteko. Horregatik, momenturik latzenean hildakoaren familiak babestu, goxatu eta elkartasuna adierazteko modu berriak asmatu beharrean gaude. Hemen duzue egoera hau gertatuko balitz nola bideratuko dugun.
Gehiago

Alkate dekretu bidez formalizatu da alerta egoerarako abian den udal funtzionamendua

Zaldibiako Udala gutxieneko/ezinbesteko lanaldi eta lan plangintzaren arabera ari da jarduten martxoaren 23tik. Hala ere, Martxoaren 29ko 10/2020 Errege Dekretu-legearen lehenengo xedapen gehigarria kontuan hartuta, alkatetza dekretu bidez Zaldibiako Udalaren ezinbesteko jarduerak izendatu dira. Jarraian duzue dekretua osorik.
Gehiago

Covid-19ak kaltetutako jarduerei laguntza bideak

COVID-19 birusak sortu duen egoeraren aurrean, Udalak zenbait neurri jarri ditu martxan eta gehiago lantzen ari da. Gainera, Goieki Goierriko Garapen Agentziak krisi-egoerari aurre egiteko laguntza-neurriei buruzko informazio eta aholkularitza zerbitzu iraunkorra jarri du martxan.
Gehiago

Interneterako konexioa behar duten ikasleentzako bitartekoak

Salbuespen egoera honetan, herritarren arteko arrakala digitalak inoiz baino eragin handiagoa izan dezake familietan. Zaldibiako Udalak, herriko ikasleen hezkuntza zentroekin harremanean eta Izarkom kooperatibaren ekimenari esker, bitartekoak bideratuko ditu internetera konexiorik ez duten edota konexio oso mugatua duten ikasleen etxeetara.
Gehiago

Udaletxe berriaren obra dela eta, mezua zaldibitarrei eta Espainia eta EAEko agintariei

Zaldibiako udal eraikin berriko obrek martxan jarraitzen dutela eta, ondorengo azalpena eman nahi dizuegu herritarrei eta eskaera zehatz bat egin nahi diegu espainiar estatuko eta Eusko Jaurlaritzako agintariei. Jarraian azalpena eta eskaera:
Gehiago

Indarkeria matxista salatu eta eskatu laguntza konfinamendu garai honetan ere

Covid-19 birusak eragindako konfinamenduan indarkeria matxista jasaten ari bazara, gogoan izan ez zaudela bakarrik. Bi telefono zenbaki hauetan eska dezakezu laguntza: 943 88 20 00 (Zaldibiako Gizarte Zerbitzuak) eta 900 84 01 11 (Eusko Jaurlaritza). Jaurlaritzaren zenbaki hori anonimoa da, eta fakturan ez du arrastorik uzten. Herritar guztion esku dago indarkeria matxista salatzea eta laguntza eskaintzea, ordea. Bizilagunen batek halako egoeren berri badu, deitu lehenbailehen laguntza eskatzeko.
Gehiago

Zaldibiako Udalaren mezua zaldibitarrei

Eztitxu Mujika Mariezkurrena Zaldibiako Alkatea herritarrei zuzendu zaie gaur Udalean grabaturiko ondorengo bideoaren bidez.
Gehiago

Zaldibiako medikuaren kontsulta itxita martxoaren 23tik aurrera

Osakidetzak jakinarazi digunez, herri txikietako osasun kontsultak itxi egingo ditu, bertako giza baliabideak berantolatzeko asmoz. Neurri honek zuzenean eragiten digu. Mediku kontsulta eskatzeko telefonoa betikoa da: 943 007 635
Gehiago

Hondakinen Bilketan aldaketa Herri-gunean

SASIETAko langileen osasuna babeste aldera honako neurriak ezarri dira herri-guneko atez ateko bilketa zerbitzuan. Jarraian aldaketari buruzko informazioa:
Gehiago

Etxean goxo egoteko euskarazko baliabideak

Honako gida hau jartzen dugu herritarren eskuragarri, etxean egon behar dugun denbora honetan haur, gazte eta heldu euskaraz eta goxo egin dezagun.
Gehiago

Udala: ateak itxita, baina lanean

Eraikin publikoak itxita eta ekitaldi guztiak bertan behera geratu badira ere, Udal Arreta Zerbitzua eta bestelako sailak martxan daude. Jarraian harremanetarako bideak:
Gehiago

Koordinazio mahaia martxan da

Zaldibiako Udalak Koronabirusaren zabalpena ekiditeko erronkaren aurrean, Koordinazio Mahaia eratu du gaur goizean. Mahaiaren helburua egunez egun herrian sortuko diren egoerak identifikatu, hartu beharreko neurriak baloratu eta urratsak zehaztu eta koordinatzea izango da.
Gehiago

Alarma Egoera: indarrean dauden neurriak

Jarraian ikus dezakezu herenegundik eta momentuz martxoaren 29ra arte, alarma-egoera indarrean sartu izanak herritarren desplazamenduari buruz hartutako neurriak.
Gehiago