Covid-19
Maskara: araudi eguneratua
Jarraian duzu maskararen derrigortasunari buruzko araudi eguneratua:
Gehiago
Osasun larrialdi egoera ezarri ondorengo lehen neurriak jakinarazi ditu Eusko Jaurlaritzak
Atzoko egunez ezarri zuen Osasun Larrialdi egoera Gasteizko Gobernuak eta gaur egin den lehen batzorde bileran hainbat neurri hartzea erabaki dela jakinarazi berri dute jarduneko sailburuek. Neurriak ezagutzeko jarraitu irakurtzen.
Gehiago
Zaldibiako Udala, zure ondoan
Covid-19 birusak gurean jarraitzen duela erakutsi digu azken asteetan eta Zaldibiako Udalak eskuorri bat egin du ohar eta nozio garrantzitsuenak bilduz, herritarrei lagungarri izango zaizuelakoan. Etxeko buzoietan ere jasoko da eskuorri gisa.
Gehiago
Herriko jostun eta bolondresei deia
Pasa den astean ezarri zen maskararen derrigorrezko erabilera eta sortu den beharrari erantzuteko JOSTUN BOLONDRESEN SAREA osatu nahi du Udalak. Josten jakin eta laguntzeko prest daudenek Udaletxera deitu behar dute. Jarraitu irakurtzen.
Gehiago
Covid-19aren zabalpena ekiditeko Zaldibiako Gaztetxea itxita
Gaur, Udala Zaldibiako Gazte Asanbladako ordezkariekin bildu da bigarrenez. Aste honetan indarrean sartu den aginduak bete betean eragin die gazteen erabilerako guneei, tartean gaztetxeari.
Gehiago
Zukati ta danokati, MASKARA BETI!
Hauteskunde ondorenera itxaron behar izan badugu ere, etorri dira osasun larrialdiari erantzuteko neurri berriak. Horien artean nabarmenena maskararen erabilera orokorra behartzen duena da, baita ostalaritzan ezarritako murrizketak eta gazte lokal eta antzekoen itxiera ere. Jarraian informazio osoa eta gaur argitaratu eta gauerditik indarrean den agerkari ofiziala.
Gehiago
Osasun alertaren harira, Zaldibiako Udalaren mezua
Ordizia izan du sorburutzat Covid-19 izurritearen azken agerraldiak. Gertaera hauek etxeko atarian emateak sortutako urduritasuna eta ezinegona, zuhurtzian eta prebentzio neurrietan bilakatu behar dugu. Hemen duzue Eztitxu Mujika Mariezkurrena Zaldibiako Alkatearen ahotik udalaren mezua.
Gehiago
Ordiziako Fokua dela eta jarraibideak
Azken asteetan agertu diren fokuen artean atzo jakin zen Ordizian agertu dela bat. Hori dela eta, eta jakinik izango dela zaldibitarrik eremu horietan ibili denik, jarraibide hauek helarazten dizkizue Udalak. Jarraitu irakurtzen.
Gehiago
Udal Zerbitzuak errealitate berrian
Gaurtik aurrera, Udaletxean edo Kultur Etxean hitzordurik hartu beharrik gabe emango da arreta. Jarraian duzue informazio osoa. Hala ere, aurrez aurrekoa ahalik eta gehien saihestea gomendatzen da, kontsultak eta izapideak telefono bidez edo bide telematikoetatik egitea aholkatuz.
Gehiago
Atzeratu egin behar izan dugu, "Aralar, mundua leku den lurra" irakurraldi musikatua
Atzo izan genuen eguraldi nahasiak eraginda, irakurraldi musikatua datorren astera atzeratzea erabaki genuen. Gure eskerrona adierazi nahi diegu Idurre Eskisabel, Lorea Agirre eta Pello Ramirezi, ekitaldi honek eskatzen duen baldintza egokienen zain itxaroteko agertutako prestutasunagatik. Data berria zehaztu orduko plazaratuko dugu.
Gehiago
Haurren zaintzarako zerrenda eskuragarri dago Kultur Etxean
Udalak uda bizia! kanpainako ekintzak bideratzeko irekitako lanpostu deialdian, zerrenda bat osatzeko aukera eman zitzaien interesdunei. Hala, 8 herritarrez osatutako zerrenda dago Kultur Etxean eskuragarri, kontziliazio arazoak dituzten familiek haurren zainketarako inor behar badute harreman-bidea errazteko.
Gehiago
Alarma egoera amaituta, hemen da “normaltasun berria”
Gaurtik aurrera Hego Euskal Herria “normaltasun berria” izendatu dutenaren baitan dago. Pasa den ostiralean EHAA argitaratutako erabakiak zehazten du nolakoa izango den normaltasun berri hori. Jarraian duzue informazio osoa.
Gehiago
Aurten ez da Alamartxorik izango Zaldibiako plazan
Urteko jai herrikoienetakoa izaten da udako solstizio ospakizuna, baita gure herrian eta auzoetan ere. Baserrietan egiten diren su txikiez gain, plazan antolatzen du Udalak suaren inguruko ekitaldia, hainbat eragileren partaidetzaz. Aurten osasun larrialdia medio, gainerako herrietan bezala gurean ere mota honetako ekitaldi jendetsuak ekidin beharrean aurkitzen gara.
Gehiago
Faseak, irekierak eta letra txikien garai berriak
Normaltasun berria izenez batailaturiko garai nahasi hauetan, azpiegitura publikoen kudeaketa ezinezko bihurtzen ari dela ikusita, gure buruhausteak partekatu eta esku artean ditugun korapiloen berri eman nahi dugu Zaldibiako Udal gobernua osatzen dugun ordezkariok.
Gehiago
Gaurtik aurrera 3. fasea dago indarrean Hego Euskal Herrian
Faseen kudeaketa Autonomia Erkidegoen gain dago hemendik aurrera eta atzo argitaratu zen EAEko Agintaritzaren Aldizkarian Eusko Jaurlaritzak gaurtik aurrera egin dituen egokitzapenak, betiere aurreko dekretuetan ezarritako neurriek indarrean jarraitzen dutela aintzat hartuz.
Gehiago
