Covid-19
Aurten ez da herriko festarik ospatuko Zaldibian
Atzo egin zen batzarrean hartu zen erabakietako bat izan zen hori. Urtero ekaina aldean bildu ohi da jai batzordea, baina bizi dugun egoera ziurgabea medio, irail hasieran biltzea egokiago ikusi zen. Hala, atzo izan zen batzarra eta herritar zein herriko eragile eta taldeetako ordezkari ugari izan ziren bertan, Udalak egindako deiari erantzunez.
Gehiago
Ikasturte berria: Udalaren gutuna Hezkuntza Sailari
Ikasturte ezberdina izango da aurtengoa Covid-19a dela eta. Honen aurrean, eta azken ikasturte amaierako esperientzia zein egun dagoen egoera aintzat harturik, Hezkuntza Sailari gutuna bidali dio Zaldibiako Udalak. Bertan, Udalaren konpromiso eta eskaintzak zehazteaz gainera, giza-baliabideak indartu eta egoera suertatuz gero arrakala digitalari erantzuteko neurriak hartzea eskatzen zaio horren ardura duen sailari. Jarraian gutuna osorik.
Gehiago
Gozatu Zaldibiko Ostalaritzaz, segurtasunez
Neurri berriak ezarri dira ostalaritzan aste honetan. Tabernarien, elkarteen eta herritarren elkarlana ezinbestekoa da segurtasunez gure herriko ostalaritzaz gozatzen jarraitzeko. Hona hemen neurri horien laburpena, taberna eta elkarteetan ere aurkituko duzuna.
Gehiago
Osasun Sailaren agindu ofiziala argitaratu da
Eusko Jaurlaritzak asteartean prentsa-aurrean iragarritako neurriei dagokien agindu ofiziala argitaratu zen atzo iluntzean. Aurrerapenean esan genuen bezala, hainbat aldaketa egon dira, beraz hemen atxikitzen dizuegu agindua osorik.
Gehiago
Maskara: araudi eguneratua
Jarraian duzu maskararen derrigortasunari buruzko araudi eguneratua:
Gehiago
Osasun larrialdi egoera ezarri ondorengo lehen neurriak jakinarazi ditu Eusko Jaurlaritzak
Atzoko egunez ezarri zuen Osasun Larrialdi egoera Gasteizko Gobernuak eta gaur egin den lehen batzorde bileran hainbat neurri hartzea erabaki dela jakinarazi berri dute jarduneko sailburuek. Neurriak ezagutzeko jarraitu irakurtzen.
Gehiago
Zaldibiako Udala, zure ondoan
Covid-19 birusak gurean jarraitzen duela erakutsi digu azken asteetan eta Zaldibiako Udalak eskuorri bat egin du ohar eta nozio garrantzitsuenak bilduz, herritarrei lagungarri izango zaizuelakoan. Etxeko buzoietan ere jasoko da eskuorri gisa.
Gehiago
Herriko jostun eta bolondresei deia
Pasa den astean ezarri zen maskararen derrigorrezko erabilera eta sortu den beharrari erantzuteko JOSTUN BOLONDRESEN SAREA osatu nahi du Udalak. Josten jakin eta laguntzeko prest daudenek Udaletxera deitu behar dute. Jarraitu irakurtzen.
Gehiago
Covid-19aren zabalpena ekiditeko Zaldibiako Gaztetxea itxita
Gaur, Udala Zaldibiako Gazte Asanbladako ordezkariekin bildu da bigarrenez. Aste honetan indarrean sartu den aginduak bete betean eragin die gazteen erabilerako guneei, tartean gaztetxeari.
Gehiago
Zukati ta danokati, MASKARA BETI!
Hauteskunde ondorenera itxaron behar izan badugu ere, etorri dira osasun larrialdiari erantzuteko neurri berriak. Horien artean nabarmenena maskararen erabilera orokorra behartzen duena da, baita ostalaritzan ezarritako murrizketak eta gazte lokal eta antzekoen itxiera ere. Jarraian informazio osoa eta gaur argitaratu eta gauerditik indarrean den agerkari ofiziala.
Gehiago
Osasun alertaren harira, Zaldibiako Udalaren mezua
Ordizia izan du sorburutzat Covid-19 izurritearen azken agerraldiak. Gertaera hauek etxeko atarian emateak sortutako urduritasuna eta ezinegona, zuhurtzian eta prebentzio neurrietan bilakatu behar dugu. Hemen duzue Eztitxu Mujika Mariezkurrena Zaldibiako Alkatearen ahotik udalaren mezua.
Gehiago
Ordiziako Fokua dela eta jarraibideak
Azken asteetan agertu diren fokuen artean atzo jakin zen Ordizian agertu dela bat. Hori dela eta, eta jakinik izango dela zaldibitarrik eremu horietan ibili denik, jarraibide hauek helarazten dizkizue Udalak. Jarraitu irakurtzen.
Gehiago
Udal Zerbitzuak errealitate berrian
Gaurtik aurrera, Udaletxean edo Kultur Etxean hitzordurik hartu beharrik gabe emango da arreta. Jarraian duzue informazio osoa. Hala ere, aurrez aurrekoa ahalik eta gehien saihestea gomendatzen da, kontsultak eta izapideak telefono bidez edo bide telematikoetatik egitea aholkatuz.
Gehiago
Atzeratu egin behar izan dugu, "Aralar, mundua leku den lurra" irakurraldi musikatua
Atzo izan genuen eguraldi nahasiak eraginda, irakurraldi musikatua datorren astera atzeratzea erabaki genuen. Gure eskerrona adierazi nahi diegu Idurre Eskisabel, Lorea Agirre eta Pello Ramirezi, ekitaldi honek eskatzen duen baldintza egokienen zain itxaroteko agertutako prestutasunagatik. Data berria zehaztu orduko plazaratuko dugu.
Gehiago
Haurren zaintzarako zerrenda eskuragarri dago Kultur Etxean
Udalak uda bizia! kanpainako ekintzak bideratzeko irekitako lanpostu deialdian, zerrenda bat osatzeko aukera eman zitzaien interesdunei. Hala, 8 herritarrez osatutako zerrenda dago Kultur Etxean eskuragarri, kontziliazio arazoak dituzten familiek haurren zainketarako inor behar badute harreman-bidea errazteko.
Gehiago
