Covid-19

Eusko Jaurlaritzak indarrean sartu dituen neurri berriak direla eta azalpenak. 2020/10/23

Araba, Bizkaia eta Gipuzkoako herri guztietan indarrean sartu dira neurri gehigarriak eta jarraian neurri horietatik nagusiki egunerokoan eragingo digutenak. Gainera, Gipuzkoako 25 udalerritan mugikortasuna mugatzea gomendatu du, bai bertakoei kanpora ateratzeko, baita kanpokoei bertara sartzeko ere. Gomendio honek Zaldibian zuzenean ez, baina eragingo digu zeharka bada ere. Jarraitu irakurtzen.
Gehiago

Zaldibitarrei ere baheketarako deia

Osasun Sailak Ordizian abiatu duen baheketa Zaldibiako herritarrei ere zabaltzea erabaki du. Hori dela eta, 13 eta 40 urte bitarteko herritarrek PCRa egiteko aukera izango dute. Jarraian informazio osoa:
Gehiago

Herriko egoera dela eta, Alkatearen mezua

"Egoera kezkatzeko modukoa da eta koronabirusa herrian gehiago zabaldu ez dadin neurriak hartu behar ditugu. Gure artean zaintzeko garaia da". Hala dio alkatearen mezuak. Jarraian bideoa eta testua.
Gehiago

Neurri berriak indarrean laster

Atzo Osasun Sailburuak neurri berriak hartzea aztertzen ari zirela esan ondoren, gaur bertan pertsonen mugikortasuna eta jende pilatzeak gehiago mugatzeko neurriak iragarri ditu Eusko Jaurlaritzak, LABI aholku batzordeak gaur goizean egoera epidemiologikoa aztertu eta gero. Jarraitu irakurtzen.
Gehiago

Osasun Sailarekin gaur izandako bilera

Dakizuen bezala Goierriko egoera dela eta gaur 10:00etarako bilera telematiko batera deitu gintuen Osasun Sailak Goierriko alkate guztiok. Mezu honen bidez bileran jaso duguna eta Osasun Sailburuari eskatu dioguna azaldu nahi dizuegu.
Gehiago

Ekitaldietarako jarraibide eta baimenak

Hastera doaz Udazken biziko ekimenak. Gaur arratsaldean "Buruarinak" egiteko tailerra izango dute LH 1. eta 2. mailako haurrek eta igandean "Errimak bi oinetan" dantza ikuskizuna izango da. Bihar, berriz, Zaldibiako Gazte Asanbladak antolatuta musika kontzertuak izango dira, guztiak Resti pilotalekuan. Irakurri jarraibideak segidan.
Gehiago

Egoeraren inguruan Zaldibiako Alkatearen balorazioa

Gaur arratsaldean ondorengo adierazpenak egin ditu EITBko kamaren aurrean. Zaldibian koronabirus gaitzaren zabalpenaren harira atzo egindako balorazioa berretsiz.
Gehiago

Zaldibian Koronabirus gaitzaren agerpenaren inguruko informazioa - Eguneraketa 2020/10/14

12 koronabirus kasu berri ditugu pasa den urriaren 7tik urriaren 12ra bitarte eta atzo 11 kasu berri detektatu ziren. Gehienak Zaldibiako Udalarekin harremanetan jarri dira. Herriko kasuen inguruko lehen azterketa azkarra burutu du Udalak.
Gehiago

Lau positibo bi egunetan

Osasun Sailaren datuak erreparatuz, denbora luzez PCR proban positibo eman duen herritarrik izan ez badugu ere, atzo eta gaur bina positibo agertu dira. Arduraz jokatzeko eskatzen dugu, datozen egunetako datuei erreparatu eta lasaitasunerako deia egiteaz batera. Positibo eman dutenei Zaldibiako Udalaren telefonora (943 88 03 57) deitzeko eskaera egiten diegu, baita beraiekin harremanetan egon direlako berrogeialdian daudenei ere. Horrela, elikagaiak eskuratu eta hondakinak biltzeko protokoloak martxan jartzeaz gainera, herriko egoeraren argazki erreala izan dezagun. Udal arretaz kanpoko ordutegia bada ere deitu Udaleko telefonora, 24 orduko zerbitzua baitugu asteko zazpi egunez kasu hauetarako.
Gehiago

Udalbatzaren adierazpena ospatuko ez diren festen atarian

Zaldibiako Udaleko bi talde politikoetako ordezkariek bat egin dute herritarrei eta kanpokoei zuzendutako mezuan. Aurtengoan ez da festarik izango Zaldibian eta arduraz jokatzeko deia egin dute, baita udazkenean zehar izango diren ekitaldietan parte hartzekoa ere. Adierazpena osorik ikusteko jarraitu irakurtzen.
Gehiago

Herriko jostun bolondresek egindako maskara berrerabilgarriak banatzen hasiko da Udala

Jostun sareko bolondresek 180 maskara inguru entregatu dituzte udalean eta datozen egunetan menpekotasuna duten herritarrei eta hauen zaintzaileei banatuko zaizkie. Eskerrak eman nahi dizkiegu jostunei egindako lanagatik eta sarean parte hartu nahi duenarentzat ateak irekita daudela adierazi nahi dugu. Jarraitu irakurtzen.
Gehiago

Zaldibiako Udal Gobernuaren mezua, herriko festen atarian

Udal Gobernu taldeak jarraian ageri den mezua zabaldu die herritarrei festak gerturatzen ari diren honetan. Jarraian mezua osorik:
Gehiago

Bono salmenta: azken aleak eskuragai Udaletxean bihartik aurrera

Asteburuan erosketa bonoak eskuratzeko aukera izan dute herritarrek. 1. edizio arrakastatsuaren ondoren, bigarrena atera du Zaldibiako Udalak eta saldu ez diren bono aleak Udaletxean eskuratu ahal izango dituzte herritarrek bihartik aurrera.
Gehiago

Asteburu honetan, bono salmenta bikoitza plazan

Hauxe izango da udazkenari hasiera emateko lehen ekimenetako bat, festak bertan behera utzi izanaren ondorioei zein Covid-19ak utzi dituenei aurre egitera bideratutakoa. Ekimen bat ezaguna da, erosketa bonoen 2. edizioa aterako baita salmentara. Bestea, ekimen berria izango da, mondeju pintxoa dastatzeko bonoa. Jarraitu irakurtzen.
Gehiago

Herriko azpiegiturak ikasleen zerbitzura

Zaldibiako Udalak, herriko azpiegitura ezberdinak Lardizabal herri eskolaren eskura jarri ditu haur eta irakasleen jarduna osasun eta segurtasun irizpideen baitan gauzatzen laguntzeko. Bitartean, Eusko Jaurlaritzako Hezkuntza Sailari eskatutako baliabide materialen eta giza baliabideen zain jarraitzen du herriko hezkuntza komunitateak.
Gehiago