Maiatzaren 11tik 15era, agenda hitzorduz betea dator
Maiatza indar biziz abiatu dugu eta zer ikusi eta zer eginik ez da falta. Datorren aste honek berekin ekarriko ditu ipuin-bilduma eta film aurkezpena, pilota, dantza, osasuna, errotak eta baserritarren eguna. Jarraitu irakurtzen.
Gehiago
Hamazazpigarrenean aidanez liburuaren aurkezpena
Peru Calabaza eta Maialen Akizu Zaldibian izango ditugu "Hamazazpigarrenean aidanez" ipuin-bilduma aurkezten, Udalbiltzak argitaratua. Maiatzaren 11n izango da, arratsaldeko 19:00etan Karreaneko Ganbara aretoan. Sarrera doan izango da.
Gehiago
Kultur eta Kirol taldeentzat 2022ko diru-laguntza deialdia zabalik
Gaurtik eta ekainaren 3ra arte, zabalik izango da herriko Kultur eta Kirol taldeen urteroko udal diru-laguntza deialdia. 2022. urtean zehar Zaldibiako irabazi asmorik gabeko kultur eta kirol erakundeei beraien proiektuen eta urteko programen garapena finantzatzen laguntzea izaten da helburua. Jarraian dituzue laguntzen oinarriak, eskaerak aurkezteko epea eta gainontzeko informazioa.
Gehiago
Hizkuntzen kale erabileraren neurketaren emaitzak
Hizkuntza politika egokiak garatzeko, ezinbestekoa da diagnostiko egokiak egitea, errealitatea zein den jakitea. Kaleko erabilera da hizkuntzaren egoerari buruzko adierazle esanguratsuenetako bat eta UEMAk bigarrenez, kide dituen udalerri guztietako hizkuntzen kale erabilera neurtu du. Tartean, baita Zaldibian ere. Jarraian informazio osoa.
Gehiago
Maite Franko ipuin kontalaria dator ostiral goizean
Ostiral honetan, apirilak 22, Maite Franko ipuinlariak bi saio eskainiko ditu Zaldibiako kultur etxean. Aurrenekoa 11:00etan Haur Hezkuntzako haurrentzat, eta bigarrena 11:45ean Lehen Hezkuntzako haurrentzat.
Gehiago
Herriko Kultur eta Kirol taldeen bilera
Apirilaren 6rako deitu zen herriko kultur eta kirol talde guztietako ordezkarien bilera. Guztira 21 kide bildu ziren, 15 eragileren ordezkaritzan. Iazko urteari errepasoa egiteaz gain, 2022ari begira jarrita Udalaren asmoen berri jaso zuten bertaratuek. Era berean, 2022rako talde bakoitzak aurreikusi dituen ekintzekin egutegia osatu zen eta taldeen eguneroko gaiei buruzko ekarpenak jaso ziren. Jarraian informazio gehiago.
Gehiago
Sukaldaritza tailerra bertako produktuekin
Cebanc zentroak eskainiko du, euskaraz eta dohainik. Ikastaroan 55 urtetik gorako herritarrek har dezakete parte. Gazteagoak diren bi ikasle soilik onartuko dira, 12ko talde batean. Apirilaren 27tik maiatzaren 30era izango da Zubi-buru elkartean, astelehenetan eta asteazkenetan, 16:00etatik 19:00etara. Izen-ematea Kultur etxean, apirilaren 22a baino lehen. Informazio gehiago kultur etxean, edo 943 160338 / 676531079 telefono zenbakietara deituta.
Gehiago
Saturdiko festa, aurten bai
2020 eta 2021eko geldialdiaren ondoren, bueltan da Saturdiko Festa. Ohi denez, Pazko astelehenarekin batera ospatuko da, apirilaren 18an. Egitarau oparoa osatu da, goizez zein arratsaldez. Jarraitu irakurtzen.
Gehiago
Errenta aitorpena, euskaraz
Urtero bezala, Zaldibiako Udalak eta UEMAk kanpaina abiatu dute elkarlanean, herritarrak errenta-aitorpena euskaraz egitera animatzeko.
Gehiago
