Udalerri Euskaldunetako gazteen topaketa antolatu du UEMAk azaroaren 26an, larunbata, Larrabetzun. Egun osoko egitaraua izango da eta autobusa jarriko da Goierriko hainbat herriren artean gazteei bidaia errazteko. Ikusi jarraian egitaraua.
Gehiago
Azaroan sartzearekin batera atzera geratu zaigu Zaldibian hain betea izaten dugun urria eta balorazioak egiteko une aproposa dugu. Dokumentu batean bildu ditugu orain arte jasotakoak eta ikusgai jarri dugu, balorazioak irakurri eta ekarpenak egiteko aukera ere emanaz. Aurtengoak ederrak izan badira, datozenak ederragoak izatea da helburua.
Gehiago
Kurtso berria hastearekin batera, zehaztuta dago herriko kirol talde eta eragileen antolaketaren arabera Restiren erabilera ordutegia, eta martxan daude foko berriak, piztu eta itzaltzeko sistema berriarekin. Informazio osoa jarraian:
Gehiago
Martxan jarri berri den konpostatze proiektua eta urte hasierarekin martxan jarriko den sortze bidezko hobari sistema, herrian ez ezik inguruan ere interesa sortzen ari da. Nafarroako Gobernuan, Rethink Waste jardunaldien barruan izan ziren Zaldibiako Udaleko ordezkariak proiektuari buruzko xehetasunak azaltzen eta azaroaren 9an, IHOBEk maisu konpostatzaileentzako antolatutako autokonpostatze komunitarioko ikastaroaren saioa Zaldibian egingo da.
Gehiago
Aurrekontuak onartzearekin batera eman zitzaien bide bi proiektuei. Batak, segida ematen dio 2018an irekitako Kimuene Kulturgunea egokitzeari, eta besteak 2021ean haurreskolako teilatuan jarritako energia auto-hornikuntzaren bideari. Jarraian informazio osoa:
Gehiago
Zaldibiako Udalak urtero argitaratzen du etxez etxe banatzen duen egutegia. Aurten ere, helburu horrekin, herriarekin zerikusia duten argazkiak bildu nahi ditu. Beraz, argazkiren bat izan eta egutegian argitaratzea nahi bazenute, kultur etxera eraman edo emailez bidali kulturetxea@zaldibia.eus helbidera, izenburuan 2023rako egutegirako argazkiak jarrita. Argazkiak bidaltzeko azken eguna azaroaren 15a, asteartea, izango da.
Gehiago
Oihana Iguaran dantzari eta bertsolaria eta Amaiur Luluaga dantzaria gidari dituen ikuskizun honetan, amatasunaren inguruan hausnartzen da musika, kantua eta dantza uztartuta. Enpatia eta aitortza ariketa bat amatasun mota guztiekiko, eta hausnarketa bat gizartean figura horrek betetzen duen paperarekiko. Gazte eta helduei zuzendutako ikuskizuna da. Azaroaren 4an, ostiralean, izango da gaueko 22:00etan. Jarraian informazio osoa.
Gehiago
Jarraian irakur dezakezue azken osoko bilkuran hartutako erabakien berri.
Gehiago
Arrakala digitala gero eta handiago den garai hauetan, DIGILAGUN egitasmoa iritsi zaigu IZT kooperatibaren ardura sozialaren eskutik. Aldatzen diren ordenagailuak garbitu, sofware libreaz hornitu eta bizi berri bat eman dioten lehen zazpi ordenagailuak Zaldibiako Udalaren gizarte zerbitzuen esku utzi dituzte. Udalak gehien behar dutenen esku utziko ditu ordenagailu hauek datozen egunetan.
Gehiago
Zaldibiako nerabeek herriarekiko duten lotura indartzeko asmoz iaz sortutako proiektua martxan da berriz. Ikasturte honetan DBH1, DBH2 eta DBH3n dabiltzan gaztetxoei dago zuzendua, bertan aktiboki parte hartuko dutelarik, bi dinamizatzaile lagun dituztela. Proiektuaren aldi berri honek azaroa eta apirila bitarte iraungo du. Atzo zabaldu zen izen-ematea eta azaroaren 4ra arte egongo da horretarako aukera. Barruan duzue informazio guztia. Animatu!
Gehiago
Ostegunerako, urriaren 27rako TELEGRAM aplikazioaren inguruko IKASTARO PRAKTIKOA antolatu du udalak. Bi saio izango dira lehena Euskaraz ez dakitenentzat 14:45etik 15:45era eta bigarrena 16:15etik 17:15era saio orokorra. Interesatuek kultur etxean edo hemen bertan eman dezakete izena.
Gehiago
Dagoeneko 40 familia inguruk eman dute izena eta asteartetik bertara daramatzate beraien etxeko hondakin organikoak. 40 etxe hauetan ez daude kamioiaren zain, nahi eta behar dutenean atera dezakete organikoa, gainera hondakin tasan %8ko hobaria jasoko dute urtarriletik aurrera. Hobari bera jasoko dute organikoa etxean konpostatu edo animalientzako bazka bezala erabiltzen dutenek. Horretarako udaletxean izena eman behar da. Jarraian informazio zehatzagoa.
Gehiago